ÇÛM SÎYA DARÊ!

 Feqîr Ehmed

Çûm sîya darê, min dî yek li wir

Bejina wê bilind, rû bi ken û gul

Min silav lê da, ne go li ser dil

Kete rîya xwe, da min derd û kul

Diçim li pê wê go:" Tu veger mê."

Wê heye min kir! sekinîm li wir

Min li pê nihêrî, wê kire meşîn

Dilê min wê bir, bi xêr û xweşî

Dibir dilê min, Şahlûl li cem min

Go:" Meraq neke, ew ne sor gul

Jikênastin dar, gul tev hatin xar

Te ne got ew gul, jîyana şahlûl

Netirsî ji xwuda, jikênastin gul!

Ew gul û sosin, tev da yara min."

Jikênastin gul, tu hatî cem min

Tu min azadkî, ey şahlûlê min

Şahlûl dar danî, pirs li hev hanî

Li ser tela darê:" Ew yara te kanî!

Tu çibikî yar, ku tunebê war!

Ey Feqîrê min, here bike kar

Çi dixwazî dil, derdan bikî kul,

Lê we ranekir, ew bara ser mil!

Berda ew yar, megrî li bin dar

Tu jî wekî min, bûyê evîndar

Navê yara min, sosin û sor gul

Navê yara te, dibên Kurdistan!

Tu bê war û dîn, ez tim dikim şîn

Destan bidî min, tev bikin qîrîn!

Ey şahlûlê min, tim dikim qîrîn!

Sor gul yara te, li ser dikî şîn!

Lêdan û kuştin, tim li bin destan!

Ew xweş yara min, nav Kurdistan!

Ew bi çem û dar, ew bi mêrg û şax

Sorgul û nêrgiz, nênhêjmar şahlûl

Tu li serê darê, tim dikî hawar!

Yara min birin, kirin tar û mar!

Tu min nas nakî, ey şahlûlê min

Va çiqas sal bû, diçim li pê war

Lêhdan û kuştin, pêhmal û talan!

Boyî yara xwe, ez bûm dîn û har!

Go:" Tu nakî kar, yara te bin bar

Yara min gul bû, ez hatim ser dar

Ku tu bikî kar, xwe bidî bin bar

Bi tektîk û meş, tu bigirê ew yar."

Ey şahlûlê min, ez tim dikim kar

Heta bi mirinê, naxwazim bin bar!

Ger tu pirs bikî, armanca min çê

Ku pê zana bî,  werî serê çîyê!

Tu bişaqe li wir, ez bankim gund

Bûne tevger, ji keçê û xortê Kurd!

Bikin ceng û şer, sîng jî bidin ber!

Kar û bar bikin, bibin ser leşker

Bi hêz û raman, rabin ji ser xwe

Tektîkên bilind, bidin gelê xwe

Bi leşker û hêz, herin ser dijmin

Ji wan bistînin, lê ew warê xwe!

War bistînin, bikin serxwebûn!

Dênim sîstema, Azadî û hebûn

Mîlyaran çêkin, sor gul û nêrgiz

Ez û tu jîn bin, tev li Kurdistan!

11.12. 84

çapkirin