EY NETEWÊ BİNDEST!

 Feqîr Ehmed

Ey netewê bindest û pirr bar giran

Werin bigrin destên hev wekî biran

Her kes diçê hîvê, sitêr û tev deran

Em mane reben û bindest û talan!

Cîhanê da carek tev rabin ser xwe

Bi zanistî bikin kar tev barên xwe

Bidin hevdi dest, piştan, dil û can

Dijminan zorê derxin ji warê xwe!

Wekî morîyan bikin xebat û lebat

Henberî dijminan bibin hêz û lat!

Tevger da enî, tektîk û pêşva çûn

Ko rizgarkin ji destê dijmin welat!

Ko nekin tektîk û enî yek destûr

Bin destê dijmin da bibî tar û hûr!

Her kes werê serî li te bidine dar

Nema tu netewî, nema bikî kar!

Tu mayê şerpeze, bindest û reben!

Mal tunêye, ne hêz heye, ne dûzen!

Rabe ser xwe, li cîhanê bide deng

Bi têkoşîn, yan tuneyî, yan hebûn!

Ey Feqîr no, rabin tista xwe çêkin

Ala rengîn bi ser xwe da li bakin!

Du cîhan da, tu jî heyî yek netew

Nûjen bikin komara xwe peydakin!

02.11.87

çapkirin