Berbang ra gengê bomban

Bi ser gelda gurle berdan!

Xirabe kir deşt û newal!

War û milkê me bû talan!

 

Xewê rabûm û didî xwîn!

Dengê fîzan pirr dinalîyan

Li dora xwe min nihêrî

Gurlên rokêtan dibarîyan!

 

Top û rokêt hatin bi tîn!

Gel dukuşt û pirr şewîtîn!

Dikir nalîn zarî û jinan!

Şêhnî tev hev diperpitîn!

 

 

Balefiran gurle berdan!

Axû bi ser gelda reşîya!

Tev dikete dev û çavan!

Li Helebce mîrov neman!

 

Wê go haho, wî kir qîrîn!

Kesek neman bikin girîn

Dê û bav, xwûşk û dotmam

Ax şewîtîn tev hev mirin!

 

Ez rivîyam nav wa malan

Pirr miribûn yên dinalîyan!

Cîhan li ser min hate girtin

Helebce li min bû wêran!

 

Dilê min rabû û kire girîn

Xwûşk, bira û dayîk nedîn!

Li ser serî ketim xwarê

Kesan li wêrê nekir bangîn!

 

Lê ew dijminên har û dîn

Helebce tev hev kirin xwîn!

Tu kes sax neman li vêrê!

Ax min bi tenî xwe kire şîn!

 

Gurlên axûyê hatin ser min!

Şehwat berda tev dilê min!

Jîna Feqîr nema li cîhan!

Dijmin bir Kurdistana min!

 

Du rojan di pê komkujê ra!

 

Feqîr Ehmed.