KURDNO!

 Feqîr Ehmed

Mahcir û bin destê dijmin!

Tev ji xewê rabin Kurdno!

Li ser me komkojin û talan!

Şerme ko em rûnin Kurdno

Gelî serê xwe berda jêr

Şerpeze bin ling û bê dêr

Dijmin çêkir fîze û rokêt

Davên ser dimrê Kurdno!

Em rabin ew gel şîyar bê

Nabînin bombê li ser me

Bê kefen em kirin gornan!

Hûn çima ranabin Kurdno

Destê me çû gel û komar

Ka dibistan û xwandeger

Tezî, birçî netew bê war!

Gereg em biteqin Kurdno

Werin em rîya hev bibînin

Ne bi çûk, ne pîs dibin!

Bê derewî biçın ser çîyan

Çima hûn ditirsin Kurdno

Em û dijmin bi ceng û şer

Sîngê bi pirç ger bidin ber!

Em nemir bin, wan bikojin

Ko em jî bi ser bin Kurdno

Beg û mîran tev firotin!

Dijmin li me dihêvotin!

Girtin û dane dijminan!

Kuştin, pelçiqî Kurdno!

Dema me çû havîn, buhar

Bi namûs, kesayî û hawar

Xwe mekin rûreş û nokêr

Ko em nebin xayîn Kurdno

Werin em herin serê çîyan

Feqîr gorî û tev şoreşvan

Bidin mal, milk û tev can!

Ko welat rizgar bê Kurdno

25. 01. 89

çapkirin