Va cîhana mîlyaran sal buhurî,

Rind û pîsan bi hev ra debirîn!

Adem û Nûh hatin cîhan dîsa çûn

Eyûb û Minzûr, ew pêşîya me bûn!

Fîrdews û Ehmedê xanî tê gîhan,

Zerdeşd û Mihemed, Îsa da cîhan!

Şahman, Bûdîz, ew Merx û Lenîn,

Dawûd û Fîrewûn û Silêmanê dîn.

Nêro û Sŵzer û ew Dehaqê har!

Kawa û Sipartakos li wen da dar!

Pirrî hatin cîhanê, bûne navdar,

Karkir û xebatkaran dikirin kar.

Hinek bûne Hîtlêr, hinek Firenko!

Dikuştin, xwîn vexarin bûne hov!

Mîrov û ew kesana ji hev cida,

Ne mîrov wana terş, ker û ga!

Dîroka mîrovê, wana kire reş!

Fihiş û sekîz li cîhanê kirin geş!

Hinek dibêjin, em jî demoqirat,

Mîrov kuştin, li cîhanê bûne şan!

Boyî wana pirr, hev ra kire şer!

Hinek bûne kole, hinek bûne ser!

Ewên hatî sêrî, lêxistin û duxwar!

Kuştin û talan, tev da qare û war!

Kesî nexwast koletî, ko bibin jîr!

Dewlemendî, li cîhanê dibû şîr!

Feqîr û bindestan, zorî qat bi qat!

Bûne kole tev da mane bê rûmet!

Birçîyan û tazî, tev hev belengaz,

Dewlemendî, li cîhanê bûne baz!

Hezaran, mîlyaran sal buhurîn,

Ew pirr hatin cîhanê û xebitîn.

Serî hildan li hemberî zor destan,

Jîyanê da, ko li cîhan bibin yar!

Listik û dolap, çê bûn li mîrov!

Hêja û mîrovên zana kirin dor!

Zana bibin, kesek nekê gale, gal,

Li hemberî hev, nebin hêz û dar.

Em bibînin, Nemrîtê zana û har!

Ewrên çermî, ji jorva berda xar!

Cîhan xweşe mîrov bibê pirr zana,

Erd û ezman, bê istûn bûyê xwaza!

Xebat bikin, mîrov bibin hêz û yek,

Cîhan xwaşîk,ko li kesan nebê şev!

Xêrxwaz û mîrovan, tev hev aşîtî!

Rindê bikin, li cîhanê nebîn dîn!

Mirin û kuştinan, rakin ji cîhan!

Em jînbin bi hezaran, mîlyon sal!

Erd û ezman, bikin bax, gul û rez!

Hûn û Feqîr ji hev pirr bikin hez!

Ho bibin, çêkin jînê bibin deng!

Li Kurdistan reş û sipî bigên hev!

Feqîr Ehmed.05.01.1998