RONEKBÎRÊN KURD Lİ GELÊ XWE XWADÎ DERKEVİN!

Feqîr Ehmed

Pêwîste Ronekbîrên Kurdistan, li henberî dijminan li cem gelê xwe cîh bigrin! Ji bo ku kanibin li ser doza gelê xwe, mijûl bibin û ji rizgare gelê xwe re binivisînin.

Ku nikanibê rêçeke nûjen ji rizgare gelê xwe re bibînê û binivisînin. Dîsa jî bi hêzên gelê xwe re, li henberî

dijminan xwînxwar cîh bigrê û bi gelê xwe re kar dom bikê. Lê ku ronakbîr bi xwe yî welatxwaz bê, şertên welatxwazê zanibê û bînê cîhê.

Di roja îro da şertên Kurdistan pirr zorin û dijwarin!

Her nivîskar nikanin bibin welatxwaz û cîh li cem gelê xwe bigrê. Îro gelê Kurdistan di bin lingên sê dijminê hov da tê pelçiqandine! Hinek nivîskarên hêja, bi wêrekî û zana bûn, li henberî dijminên xwînxwar bi gelê xwe re dimeşine. Gelê Kurd serî li xwe hildayê ketê têkuşîna mirin û mayînê! Va werge ku îdî gelê Kurd naxwazê bibê kulê Tirk, Ereb û Eceman! Duxwazê jîna xwe, bi destê xwe, di welatê xwe da, bajo û dom bikê. Bi vê sedemê îro li henberî dijminan ketine şerê mirin û mayînê! Di vê demêda, roj bi roj gavên mezin û bilin davêjine. Va gav avêtina, ji gelê Kurd re şerefekî pirr mezine û bi rûmete! Dijmin bi alîkarîya xayînên Kurd, gelê me her rojê sed carî dukujê û dipelçiqînê! Di va şertên gelê Kurd da, Pêwîste ronakbîrên Kurd bê alî nemînin. Bê alî mayîn xelete ku wekî merov komkujîya gelê Kurd duxwazê! Bi vê sedemê bê alî mayîna ronakbîren, li cem dijminan tê hêjmartin û mirineke mezine ji gelê Kurdistan re! Pêwîste ronekbîrên Kurd barê gelê hildin ser milan û bi gelê xwe re bimeşin. Ronekbîr tu caren zilm û zorîyê napejirînin. Ronekbîrên Cîhanê bi gelê xwe re li henberî dijminan ketine têkoşîna mirin û mayînê!

Bi vê sedemê di nav gelê xwe da, bûne kesayê û stêr tên xewûnandin! Pêwîste ronekbîrên Kurd jî, wekî ronekbîrên Cîhanê, bi gelê xwe re, li henberî dijminên şerê xwe dom bikin! Ji bo rizgare gelê xwe nivîsa bi kar bînin. Dost û dijmin, rindî û xerebî bi gelê xwe bidin naskirin. Ku gelê Kurd dost û dijminên xwe baş nas bikê û pê zanabê. Dijmin xayînên Kurd dikine pêş xwe, û li şoreşgerên qehreman digerin, dibînin û digrin! Lêdan û komkujê li ser gelê me çêdikin! Gund, Bajar û çîyayên Kurdistan bomberdûman dikin û dişewîtînin! Keç û bûkên me bê nîkeh li xayînan mar dikin. Heger ronakbîrên Kurd, heta roja îro, va xayînên Kurd binivîsandana, binana pêş çavên gelê. Bi gelê rind bidana nas kirin, va komkujên giren îro nedihatin serê gelê Kurd! Di va komkujan da, ronakbîrên Kurd jî pare xwe têda pirr û pirr heye! Heger Xayîn reberî gelê xwe bikrena, kesên wekî Necmetîn Cehwerî, Hikmet Çetin, Kamûren Înan û Aksoy nediketin meclîsa dijmin û vana jî nikanibûn Nokêrî jî dijminan re bikirena! Ku îro va nokêrên pirr tunebana, va pelçiqandinê ku îro tê serê gel, wusa giren nedibû! Lê îdî ronakpîrên bi şeref û heysîyet jî derketine holê! Va ronekbîrên hêja û delal xayînan, dijminan reberî gelê xwe dikin. Bi gelê xwe bawerin. Gel ji bi vê sedemê ji nivîskarên xwe hez dikin û diparêzin! Pirr ronakbîrên vê demê têne kuştin.

Pirrî xwe di zindanê dijmin da, bi îşkencê ku hîn li Cîhanê natî dîtin lê dikin!

Lê va ronakbîrên tiştên valayî nanivisînin. Va hêjana li henberî dijminan lingên xwe paşva navêtine û narivin jî. Bi wêrekîya herî mezin bûne xwudan gel û kesayete.

Bi gelê xwe ser bilindin û gel jî, ji ronakbîrên xwe hez dikê. Gel vana ji xwe re kirine sitêre. Li gorî min ronakbîr doktorê gelê xwê. Bo gelê ji nuxweşîyan rizgar bikê, tûrê dermên davêjin milên xwe. Diçin rîş, derd û kulên gelê xwe derman dikin û ji derdan rizgar dikin.

Ku  gel ji êş, derd û kulan rizgar bû. Vê demê ji bo rizgare xwe gavên mezin û bilind davêjin.

Di vê gavavêtinê da rola ronakbîren pirr û pirre! Ronakbîrên Kurd Pêwîste tiştên valayî nenivisînin û nivîsa xwe bi kar neyînin. Niviskarên Kurd wekî niviskarên dijminan Eşê û Fatê nenivisînin û bi kar neyînin. Ewana kanin li ser tiştên vala binivisînin, ji van re ne pirr girînge. Niviskarên Kurd Pêwîste rewşa gelê Kurd bînê pêş çavên xwe! Sedema vê jî, rewşa gelê Kurd ku di bin lingên dijminan da tê pelçiqandine û perîşan mayê! Ji ber vê sedemê Pêwîste li ser doza gelê xwe binivşsînin. Rizgare netewa xwe derxînin hole!

Ku ronekbîrên Kurd li cem gelê xwe cîh bigrin.

Vê demê gelê Cîhanê jî li ronekbîrên me xwadî derdikevin û nas dikin. Ronekbîrên me jî kanin doza gelê me bi gelê Cîhanê bidin naskirin. Wê demê gelên Cîhanê alîkarê didin me, ji bo rizgare gelê me. Ez bawerim ronakbîrên Kurd di vê roja reş û tarîda, gelê me bi tenê bernedin û bi tenê nêlînin. Pêwîste li henberî dijminan, bi gelê xwe re rebin ser lingan. Lê tenê çek teqandin ji gelê Kurdistan re ne rizgarêye. Divê ronakbîr pênûsa xwe bikê atom û biteqînê! Ji bo rizgare gelê xwe bi kar bînê. Lê va teqandina jî, ronakbîrên hêja kanin bi kar bînin!  Barê mezin dikevê ser milên ronakbîrên hêja û delal. Pêwîste ronakbîr vî karê bi şeref hildin ser milên xwe.

Ji bo gelê meyî bindest û perîşan pênûsa xwe bikin atom û biteqînin!

Feqîr Ehmed.

çapkirin