XWE Lİ TE BİGERÎNİM!

 Feqîr Ehmed

Keçê rojek werim, mala bavê te

Ji dayîkê pirskim, şirîn navê te

Şênî kom bikim, civînek çêkim

Ji bavê bistînim, sozê bejina te

Eze qelen bidim, defê lêxînim

Siwaran siwarkim, hine bişînim

Bixemlînim te, kesk, sor û zer!

Dilê te û Feqîr, bi hevdigînim

Rabime ser xwe, werime cem te

Xwe bigerînim, li wê bejina te

Navberê meda, ne mij û dûman

Ramûsim lêvê sor, xelqê çavê te

Li navê bigerim, ku tu bibî hor

Eme evîn darbin, Alê hildin jor

Azad û rizgar bê, gelê min û te

Bûkî, zava me, evîn li me dor!

16. 11. 82

çapkirin