Mizgîna Roja Medya

Seyid Feysel Moctevî

Roj me dibe mizgînî, bineverê reş û tarî

Umrê kelekan kême, herçend ji medbarî

Hêza me û dengê me, naheq de dibizdînin

Ser teyrê bela dîtî, baranê diken carî

Ma dê çiketin baran, sona ku ketî derya

Newroza mezin pêşe, gel dêbidetin yarî

Newrozê bixemlînit, avaz û cilên taze

Bûka xweyî kesk û sor, pê rûseriyên şarî

Yek deng û sida, yekdil, vek topê dibêjit gel

Roja me nekin tarî, eyda me nekin zarî

Pê dengê bilinde xwe, pê coş û xurûşa xwe

Meydanê şeher, kûçan, newrozê bikin sarî[1]

Da çav û guhên dinya, vê pirsigerê sehkin

Beskin kelek û mekran, beskin xifet û xarî

Dê beske êdî beske, doz û kelekan dinya

Em jî beşerin, canin, boçi ji mere marî

Roja me ji bin evra, pê darê sida dêbê

Seyyid nedibe rûnê, herkes bi esa karî[2]

Seyid Feysel Moctevî

Sine : 2008-03-14

Vezn : Mefûlo Mefaiîlun Mefûlo Mefaiîlun

çapkirin