Tancê Eqil

 Seyid Feysel Muctevî

Tancê eqil bikî ser nakevye qeyd û bendan

Gerdûn bibîte behrek nadet bi saq patan

Ne xew ne bêomêdî hostê eqil tiraşî

Kinc û kilavê sistî nefsê firote insan

Dêvê leîn Sulêman dûr kir ji text û tacî

Lev rabû ba û boran mala me kirye vêran

Ba bir heçî vehûna destê bihêze aqil

Girtin ji ba ji tûfan,lehyê ji derbiharan

Bo me dibit xenîmet,girtin ji av û tûfan

Ger cacime pilase ger delq,kurki baran

Nabe omîdê qetke masya ketî bi torê

Ev bê meqes bimîne torê nede qetandin

Raza eger zemanek bê bîr û ray û tedbîr

Ravçî bixewde ev girt bêderdiser bi hêsan

Dibye bikevte fikrê ristek teze vehûne

Xo pêvebigre bavê şayed kete deravan

Kerkûki kevte davê hêşta nebûye êvar

Ger şev bi serde bêtin dê bibte baxê caran

Nêqmet jibo me mînit nêimet jibo neyaran

Xar û qelem jibo me gulrengi bo neyaran

Seyyid nebêje Kerkûk tenya dikevte behrê

Bel ev dibit bidaye bo keyd û mekrê paşan

Mej erd û ax û malê bêxin çîya,şikevtan

Yehyel Îraqi bêjin şabin bi van silogan

Bê mal û milk û bê cî em milletik heyîbin

Dinya me bibte dijmin hêstir me bibine baran

Na na bihorî ev dem xevna visa nebînin

Yê carekê konê ket,nakevte bîr û çalan

Em dê bira bimînin destê xedir şikênin

Pê aqil û dirayet ne das û kêr û şûran

Seyid Feysel Muctevî

Sine 2008-07-25

Vezn : Mefoûl Failton Mefoûl Failton

Behr : Muzari Musemen Exreb

çapkirin