Tinê Kerkûk?

Seyid Feysel Muctevî

Baredoxa herîma Kurdistanê nêzî 20 salan deshelatê hemî kosp û tengavî û deskevtnê xove ji milên abûrî û sîyasî û sepandina yasayê bi Îraqa fidiral di hindr û derve êxistine ser avê û çi layenên vê heta bo şivanên serê çîya di koncê tarîtiyê de nemane,veza jîyana nîştecîyê herîmê hevce bi gotinê nine,vekî hatiye gotin (eva ku eyane ne hevce bi beyane).

Ji derbara Kerkûkê û xala 140 bilî paşte hêlan û vext kuştinê,destê rêxrava nav netevî têxistin û şovênîyê Îraqê derfet peydakirin ku 140ê hûrken û bikene 24 û dengdana dinyayê ku ber esasa dengdêrane,di Kerkûkê de bikene 33% bo her yek ji kurd û tirkman û ereban ku dengên kurda di navbera ereb û tirkmana de bê beşkirin.Kêşeya Kerkûkê ha çareser bû.levra deshelatdarên kurd niha êdî Kerkûkê naxazin,belkî dixazin hilbijartina vê paş bêxin heta ku ji devra Sedam xirabtir nebe.

Bi derêxistina pêşmergan ji derveyi sînorê kesk,ji parêzgeha Dîyalê zenga metirsîya hêzên parastina Kurdistanê ziringî.vekî ha diçe pêş sibê ji parêzgeha Mûsil û dusbe dê ji Kerkûkê derkevin û piştî demekî nêzîk di herîma Kurdistanê de dê bên minhelkirin û cihê xwe bidne artêşa fidrale Îraqê.çiku di yasayê de hêj veza pêşmerge revşen nebûye û erebên şovênî van bi mîlîşiyayê nayasayî dizanin û eva di halekê deye ku piranîya parlimantaran di Îraqa fidiral de ser bi şovênîstaye û ber vê yekê ev di vê bovarê de jî dê topê pavêne nav dervazê kurdan.

Ji nêzî 50 û çend xalan ku di yasaya Îraqê de mafên kurda diparêzin,gelo kîjan ketîne nav piratîkê û îş pê tê kirin?her roj bi hecetekê xalên parastina mafên kurda tên binpê kirin,dema ku parlimanê de tên şirovekirin,yek bi yek dûhevre tên hiriftin.tu dibêjî hirya ristîye devra yasadananê ye ku kurm ketinê û carkedin xwe bi xwe dibe hirî û bi bala berjevendîya şovênîstê Îraqê tê ristin.heta postên deshelatdarîya kurda li Bexdayê de  ku bi tevafiqa netevî hatine vergirtin roj bi roj lavaztir dibin û nikarin erkê xwe bi cî bînin. misalekî biçûke vê,dûrkirina Zêbarî û kurdên endam di pirojeya girêbesta tevafiqa nav bera Îraq û Imrîka bû ku hêj berdevame.Imrîka damezrênerê herîma Kurdistanê ye.vê paşekêşîya kurda û tengasîya van di hemî bovaran de dibîne belê çavê xwe danîne serhev, goya berjevendîya van di Kurdistana damezirav de nemaye.

Niha em ser durêyana man û nemana Kurdistanê ne,bê kes û bê xudî,yaku deshelat daran bi zanîn û nezanîna xwe kirin eve bû ku em gehandine vê astê,revşenbîr û nivîskarên kurd ta çi radeyekê karîn ji ser kiryarên deshelatdarên xwe bi bandor bin û deshelatdaran gudarî van kirin yan na,serê me bi kevir girt yan na bila bimîne.niha erka ser milê hemî revşenbîr û sîyasetvan û nivîskara ye ku bi rexneyên nebicî rêyên mayî ji deshelatdaran tengavtir nekin û bi ayetên yeisê sistî û dilnigeranîyekî zêde ji gel re çênekin.teşvîq kirina gel ji bo dengnedanan ji alîyê hinek nivîskarên dilsoje kurd ve dê çi deskevtekî netevî hebe?

Ya baş eve di vê devra tengasîyê de hemî des bidin des hev da bikarin dîvarê bilinde pîlanên dijminan ji ser van de hiloşînin.cihê şukrêye ku revşenbîrên kurda heger ji yê xelkê zêdetir nebin kêmtir ninin,eva pavanekî mezine ji bo ku bikarin kincê xwe ji avê derbînin.bi van hemî revşenbîr û nivîskarên kurd ku ji derveyî velat dijîn û her yek ji van dîplomatek tê hesibandin û dikarin bi dan û sitandin bin û rêxravên berçav biafirînin, heger neken û carek din berka me av bibe nivşên pêşerojê dê me bi tif û neilet bikin.

Seyid Feysel Muctevî

sayedfaysal@yahoo.com

Sine 2008-09-05

çapkirin