AMED SER E, KERKÛK DIL E

FÛAD SÎPAN (AKPINAR) , fuadsipan@yahoo.de

Almanya, 01.04.2006

TIRK LI AMEDÊ LI DIJÎ KURDAN TERORÊ DIMEŞÎNIN

Amed ser e, Kerkûk dil e, ne serî bê dil dibe û ne jî dil bê serî dibe. Bila Tirk û xêrnexwazên Kurd û Kurdistanê van gotinan ji xwe re têxin guhar û bi goyên xwe ve darda bikin.

Li ser komkujiya 14 gerîlayan ji aliyê leşkerên Tirk ve, ku hatiye gotin, ew bi çekên kimiyawî hatine kuştin, rejima Tirk li Amedê û deverê din li hemberî gelê Kurd terorê dimeşîne û nahêle ku Kurd cenazê şehîdên xwe jî binaştînin(defn bikin). Tirk di xwe de wê maf dibînin, ku zarokên Kurdan li ser çiya û kolanên Kurdistanê bikujin, wan wek terorîst rayê cîhanê bidin û di ser de jî Kurdan tawanbar bikin. Lê gelê Kurd êdî bê deng nîne, hişyar e û bi çalakiyan reaksiyonan dide. Reaksiyonên Kurdan yên siruştî li ser hev rejima Tirkan dîn û har kiriye û rejîm niha bi goştê canê xwe ketiye, kîna xwe li dijî Kurdan dirijîne. Li gorî agahdariyên ji çapemeniyê heta niha Kurdan 7 şehîd dane. Ji wan şehîdan zarok jî hene.

Bi rastî ev ne cara pêşîn e, ku ji aliyê Kongira Gel – PKK ve tê gotin, ku gerîlla bi çekên kîmyewî hatine kuştin. Ev mijar wisa rast be – ev yek bi temamî jî mantiqê dewleta Tik e – ev mijar dikare di warê siyasî de roleke gelek mezin di mehkumkirina Tirkiyê de ji aliyê bîr û raya navneteweyî de bilîze. Tenê divêt ev mijar ji aliyê hin doxtor û rêxistinên navneteweyî ve bête îspatkirin; divêt termên gerîllayan ji aliyê van kesên pispor ve bê kontrolkirin. Va ye termên hin gerîllayan diçin Silêmaniyê, Mehabadê, Efrîn û Kobanî. Heger li Bakur qet nebe, divêt li van cihên din mimkin be, ku doktor raporên wisa bidin û bêjin: Ev term bi encama çekên kîmyewî hatiye kuştin. Gelo çima Kurd girîngiya vê mijarê heta niha nasnakin. Heger ev yek bête îspatkirin, mirov dikare serdarên Tirkiyê bikişîne pêşîya Dadegeha Den Hagê. Mirov tenê bi gotinan nikare kesî îqna bike, divêt îspatên wê jî hebin. Heger Kongira Gel – PKK û an jî malbatên gerîlla li ser vê mijarê nexebitin, dê hingê ev îdiaya li hewa bimîne. Divêt di vê mijara komkujiya kîmyewî de pêwendî bi rêxistina doxtorên sînornenas li Firansayê bêye çê kirin.

Wek tê zanîn kincên general û paşayên ehmeqan yên bi qirêj li Şemzînan derkete ser avê û ev demek e Tirkiye li ser teror û karên kirmînel yên leşkeran hatiye kilîtkirin. Hukumeta Tirk, leşker û çapemeniya Tirkan beriya cejna Newrozê lê xebitîn, ku rojeva terorê li Kurdistanê amade bikin, lê ew di dema Newrozê de wek sala par bi ser neketin, loma li ser lêgerên din sekinîn û niha xwe mecbûr dîtin ku Tirkiyê û Kurdistanê bi terorê bidin mijûl kirin, kirinên xwe yên bi kirêt li ber çavê xelkê bidin jibîrkirin û bibêjin xwedênegiravî goya ew li dijî terorê şer dikin. Dewleta Tirk û xêrnexwazên Kurd yên tarî niha li bakurê Kurdistanê û li rojavayê Tirkiyê provakasiyonan çê dikin, ku Kurd ji pirensîp, daxwaz û armancên xwe dûr bikevin. Armanca dewleta Tirk û xêrnexwazên Kurd yên tarî ew e ku çalakiyên Kurdan têxin cihokek şaş, ku Kurd di siyasetê de bi ser nekevin, dewleta Kemalîstan xwe bigihîne armancên xwe û çalakiyên Kurdan di raya cîhanê de wek teror rayê bidin.

Lê dem û çerx êdî ne li gorî hêzên tarî digere. Dewleta tarî çiqas jî terorê ji xwe re bike hacet, dê nikaribe rê li pêşiya pirsgirêka Kurd û Kurdistanê bigire û bi ser bikeve. Dewleta Tirk û hêzên tarî êdî çi dikin bila bikin, wan di pirsa Kurd û Kurdistanê de winda kiriye, ti kes ji wan ne bawer e. Amed ser e, Kerkûk dil e, ne serî bê dil dibe û ne jî dil bê serî dibe. Bila Tirk û xêrnexwazên Kurd û Kurdistanê van gotinan ji xwe re têxin guhar û bi goyên xwe ve darda bikin.

Berpirsiyara Olli Rhen ji Yekîtiya Ewropa roja înê daxuyaniyek da raya giştî, ku ew li ser bûyrên li bakurê Kurdistanê bi meraq in û ji dewleta Tirk tê xwestin ku ew mafê Kurdan bide.

Çavkanî, malpera Frankfurter Allgemeine Zeitung

http://www.faz.net/s/RubDDBDABB9457A437BAA85A49C26FB23A0/Doc~
EE702A716E89843C9AD2C77B992E66767~ATpl~Ecommon~Scontent.html

Hêjayî gotinê ye ku çapemeniya cîhanê gelek berbifireh cîh daye û dide bûyerên li Kurdistanê. Tiştekî gelek balkêş e, ku BBC di nûçeya xwe ya di 31.03.2006an de bajarê Amedê(Diyarbekirê) wek paytexta herêma Kurdan dide naskirin. BBC di nûçeya xwe de bi zimanê îngilîzî wiha dinivîsîne:

Seven people were killed in clashes between Kurds and the Turkish riot police in and around the regional capital, Diyarbakir.

Çavkanî, malpera BBC http://news.bbc.co.uk/1/hi/world/europe/4865928.stm

Ji bilî çapemeniya nivîskî, çapemeniya dîtbar jî, wek televîzyonên Almanya, hemûyan li ser bûyerên Amedê û deverên din agahdarî dan.

Çavkanî, çapemeniya cîhanê bi zimanê Îngilîzî, Firansizî, Almanî, Îtalî û Swêdî:

http://www.chron.com/disp/story.mpl/world/3763090.html

http://www.iht.com/articles/2006/03/31/news/kurds.php

http://news.ft.com/cms/s/bbe5caac-c11c-11da-9419-0000779e2340.html

http://www.welt.de/data/2006/04/01/868009.html

http://archiv.tagesspiegel.de/archiv/01.04.2006/2446141.asp

http://www.ledevoir.com/2006/03/30/105569.html

http://www.lesechos.fr/info/rew_inter/4403119.htm

http://www.swissinfo.org/sfr/swissinfo.html?siteSect=143&sid=6588845&cKey=1143655878000