DEWLETA CINAWIRAN JI KUŞTINÊ TÊR NABE

FÛAD SÎPAN (AKPINAR), fuadsipan@yahoo.de

Almanya, 20.01.2007

Dewleta Tirk ji kuştina mirovan têr nabe. Êdî ne pêwist e ku mirov bibêje dewleta tarî jî, çimkî her tiştê Tirkan ji zû de eşkere ye, yên dizanin jixwe dizanin, yên naxwazin nizanibin bê deng dimînin. Heta salên 80î dinya ji Tirkan re fireh bû, çimkî wan her kes li ser derewên xwe tevizandibûn. Lê gelê Kurd bi tevgera xwe di sala 1984an de ezbera Tirkan xerab kir. Êdî di pê şerê xwe parastinê li dijî dewletê Tirk ketine şokê û hên jî ji şokê derneketine. Cîhan êdî li wan teng bûye. Ji ber ku Tirk ji mentalîta xwe ya bi kirêt şûnde venagerin, loma hên jî rizgarkirina xwe di kuştin, lêdan îşkence û di tinekirina mirovan, gelan hindikayiyan de dibînin. Tirk naxwazin rastiyê bibînin, çimkî tiştekî wisa nebihîstine. Pîşeya Tirkan êriş- û talankirin e, şêlandin û ji holê rakirin e. Gefên Tirkan van rojan li ser bajarê Kerkûkê jî dîsa îspata polîtîka wan e. Tu dibêjî qey Kerkûk malê bav û kalê wan e û Kurd jî xulamên wan in. Tirk di dîrokê de çiqas tajî, tazî, derewçîn û hov bin, di rastiyê de ji wan belengaztir ti milletek li rûyê vê dinyayê tine. Çimkî quweta wan tenê digihîje gel, hindikayî û mirovên ku xwe nikarin biparêzin. Heger Tirk ewqas mêr û mêrxas in, wa ye Amerîka li herêmê ye û di ser de çuwal jî xistin serê wan û dêla wan berjêr kir, bila herin bi Amerîka re şer bikin. Na, lê ew wêrektiya wan li kûderê ye? Tenê dikarin mirovên belengaz yên wek Hrant Dink bikujin.

Hrant Dink rojnamegerê bi eslê xwe Ermenî ye û li Stenbolê dijî. Ew xwediyê rojnama Ermeniyan ya bi navê Agos bû. Ji ber ku wî bi rexyneyên xwe yên pir bi maqûl dewleta Tirk rexne dikir, loma bû sedemê êrişa Tirkan û di dawiya dawîn di 19.01.2007an de ji holê hate rakirin. Di pê bûyera qetilkirina Hrant Dink re rayadarên dewleta Tirk eşkere derketin pêşiya çapemeniyê û bi gotinên xwe yên ku zarokan bi nîniyan dikin xwe dubare kirin, her tişt înkar kirin, sûc û gunehên xwe avêtin hustiyên xelkê û goya ewê lê bixebitin ku wî/wan kujeran bibînin û derînin pêşiya dadê. Bi gotineke me Kurdan ku dibêjin, kalo nemir bihar tê, pîrê nemir pincar tê. Emê niha bibînin ka Tirkên hên bi çi û çend fîtne û fêlbaziyê senaryoyan li ser vê bûyerê amade bikin.

Tirk bi fêlbaziyên xwe ve di pir mijaran de ser ketine, dê heta kîngê berdewam be ne diyar e. Çimkî ew ji ne îstiqrariya muxalefeta li derveyî parlamenê îstîfade dikin. Tevgera Kurd jî hên bê serî û bê berate ye. Ji her kesî dengekî cida dertê. Ger mirov analîzeke baş bike dewleta fêlbaz Kurd hemû jî bi tiştên pir erzan tevizandine û dûrî armancên wan xistine. Hên ne diyar e ku ev rewşa xerab heta çi demê berdewam be.

Heta muxalefeteke durist li Kurdistanê û Tirkiyê der neyê, ku hevesarê wê ne di destê dewleta eşkere de be ti guhertin jî çênabe û dê dewleta generalan bi kuştinê jiyana xwe bidomîne.

çapkirin