|
TRT 6 BI BERNAMA GULER IÞIKÊ ZIMANÊ KURDÎ DILEWITÎNE
FÛAD
SÎPAN
Kurdistaniyên
hêja!
Ez pir kêm caran li televîzyonê temaþe dikim. Jixwe, ji bona
ku demên xwe vala derbas nekim, ev nêzîkî 10 sal e di mala min de
televîzyon jî tine. Lê hin caran bernamên siyasî û yên hûnerî
li ser rêya Înternetê temaþe dikim. Vekirina
TRT 6ê derewên Tirkan yên nêzîkî 90 salî li ser înkar û îmhakirina
Kurdan pûç derxist. Ev bûyereke dîrokî ye. Tirkan bixwe, xwe di cîhanê
de rezîl û riswa kir. Îro di cîhanê de êdî baweriya ti kesî bi
Tirkan ne maye. Têkiliyên Tirkan yên bi derve re jî tenê li ser
berjewendî û menfîatan in. Wek
tê zanîn Rojîn ji TRT 6ê veqetiya. TRT jî di astengiyeke dijwar de
ma û ji xwe re li stranbêjan geriya û di dawî de li þûna Rojînê
Guler Iþik danîn. Min
du rojan li ser hev di navbera 5-10 xulekan de bernama wê temaþe kir.
Bila xanima hêja li min bibûre, dengê wê xweþ e, bejn û bala wê jî
xweþik e, lê hey star dema Guler dest bi axaftina Kurdî dike, cehaletî
ji devê wê dipijiqe û bi nezaniya xwe zimanê kurdî dilewitîne.
Hevokeke rast ji devê wê dernakeve û du gotinên wê li hev nayên.
Ev bernama Gulerê ji TRT 6ê re skandal e. Herwisa lîstika bi zimanê
Kurdî ye. Divêt TRT 6 di heman demê de vê bernamê rake, yan jî di
þûna wê de keseke/î têgihiþtî hilbijêre. Wekî din di bernamê
de axaftinên mêvanan jî pir qels in. Jixwe xaxiya(rezîliya) herî
mezin jî ew e, ku di televîzyoneke bi zimanê Kurdî de stranên tirkî
bêne weþandin. Bê
guman kêmasiyên bernama Rojînê jî pir bûn. Min çend caran li
bernama wê temaþe kir. Lê Rojîn ji xênjî stranbêjiya xwe di televîzyonê
de wek moderator rola mamostetiya zimanê Kurdî wergirtibû ser milê
xwe. Min pir ji wê helwesta wê hez kir. Ew helwesteke pîroz bû. Rojîn
xwe baþ perwerde kiriye û zimanê Kurdî baþ bi kar tîne. Dê
neheqî be, ku em hemû bernamên di TRT 6ê de wek hev bigirin. Lê divêt
em baþ bizanin, ku televîzyon ne tiþtekî hasan e. Divêt hemû
bernamên televîzyonê bi awayekî profesyonel amade bibinû pêþkêþî
gel bibin. Çimkî televîzyon neynika (eynika) gel
e û di dima me ya îro de kêreke du dev e. Çawa
ku TRT wê hesasiyeta ku dide zimanê Tirkî û bernamên, ku ew ji bo
Tirkan çêdikin, divêt eynî hesasiyetê bidine zimanê Kurdî jî. Lê
di vir de helwesta redaksiyona Kurdî pir girîng e. Divêt redaksiyona
zimanê Kurdî rola (rista) xwe baþ bilîze û bi qasî berpirsiyariya
xwe li hemberî çanda Kurdî be. Heger ne wisa be, dê nikaribin ji bin
vî karî derên û pirsgirêkên pir mezin ji bo xwe û neteweya xwe
derxin. Þîreta
min li endamên redaksiyona kurdî ew e, ku ew têgihiþtî û xwedî
berpirsiyarî bin. Divêt endamên redaksiyonê bi sedema vê
berpirsiyariya mezin, serên xwe ji hev re deynin û ji bo girtina
biryaran dest ji berjewendiyên xwe yên kesayetî berdin, bi hev re
kompromisan bibînin û bi yekdengî biaxivin. Ango divêt ew li hember
berpirsiyarên xwe yên Tirk xwedî yek deng û helwest bin, bi hev re
dest bi kar bikin, û çi gava wan dît, ku ji wan tê xwestin -veþartî
yan eþkere- ku ew li dijî ziman û çanada xwe bixebitin, bi hev re
dest ji kar berdin. Ev yek dozeke mirovayetî û wijadanî ye. Divêt
armanc ew be: Televiziyoneke
bi zimanê kurdî ji
bo bipêþvebirina ziman û wêjeya kurdî ye.
|
copyright © 2002-2008 info@pen-kurd.org