Geşt û gozarê Kurdistanê li pêşangeheka navneteweyî da …. Lê … ?

Hekar Findî – Beyrût

Ez di otêlê de rûniştîbûm demê biraderekê min ji mın re gotî ka em herin pêşangeha navneteweyî ya geşt û gozarî, şandê Kurdistanê jî pişikdare divê pêşangehê da..rastî di despêkê de gelek kêfa min hat bi pişikdarîbûna Kurdistanê di vê pêşangeha navneteweyî da her wesa ji bo ku em geşt û gozarê Kurdistanê bi cîhanê re bideyîne nîyasîn û diyarkirin…

Pêxemet ez cihê taybetê Kurdistanê bibînim û bi dîmenên siroştî û cihên geşt û gozarî dilşa bim, me qesta cihê pêşangehêkir, û bi dilekê şad min qesta jor kir û di despêkê da min nexwest li çi cihên dî binêrim û rawestim tinê min xwest ku ez herim cihê taybetê Kurdistanê û paşî li pêşangehê bigerim û li geşt û gozarê welatên dî binêrim.

Ez gehiştim û ne gehiştim cinîqeke bi min ket, cihekê val û bê serûber û neyê rêk û pêk her wek tu dibêjî ku yên ji xwe vekirîn û bi zorî anîne wêrê nek karê wan ev çendeye.

Min bawer nekir lê tiştê ku min ji wan pirsî ku cihê ev tinê cihê wane yan cihekê wan yê din heye… gotin ne tinê eve.

Sererayî vê hemîyê ew kesên ku nûneratîya wezaretê dikirin zimanê wan yê erebî yê lenk bû her em behsê zimanekê dî nekyîn baştire.

Her wesa ew kesên hatîne rewanekirin hinek ji wan her ne di amadebûn wek hevalên wan ji mere dayine diyarkirin, belku kar û geryana wan hebûn, demê wan bo karê pêşangehê nebû û nedigehiştin berhevbibin.

Ewên berhev jî dibûn xema wan ew bû ku dê kengî demê destnîşankirî yê pêşangehê bi dawî hêt da derbikevin û li Beyrûtê bigerin.

Pêzanînên wan li ser Kurdistanê gelek di sade û lawaz bûn, gelek caran bersiva pirsên ku xelkî ji wan dikirin ne dizanîn û bê şerim ji wan re digotin "em nizanîn".

Her wesa wek hevalekê me daye diyarkirin ku wî ala Kurdistanê ji wan ra peydakir û anîye wê derê danîye, ger da dibê ala bin jî… dest xweş.

Kelûpelên wan bixwe re anîbûn tiştekê bêxêr bû û piranîya wan kelûpelan li ser şêwazekê nû hatibûne dirostkitin ku qet sîmayên folklorî li ser di diyarnebûn û ji bo xelkekî dane diyarkirin ku eve keleporê kurdî.

Sererayî vê yekê ew kelûpelên wan anîbûn difirutin lê tae w roja me jî seredana wan kirî tiştek nehatibû firotin.

Ez gelek xemgîn mam û piştre min ez seredana koşkên dî jî bikem belkî sîstemê wan wesa be ( tinê da dilê xwe xweşbikem) lê ez çendê xemgîn bûm xemgîntir lê hatim bi dîtina cihên dî.

Her çende min di despêkê de jî weke cavxişînkeka ser pê li wan cihan nêrî bû ku diketine di rêka min da heta ku ez gehiştîme cihê taybetê kurdistanê.

Min cihekê wekî yê kurdistanê lawaz û bê serûber qet nedît… belkû xwe cihê ko kovarên geşt û gozarî ji xwe re danabûn ew jî ji yê kurdistanê baştir bûn.erê hikumeta kurdistanê pêcêbûn û ew kesên şareza nînin ku bikarin wekî kovarekê jî pişikdarîyê biken.

Her wesa di gelek cihan da jî şirînî dihatine pêşkêşkirin weke êk ji wan nerîtên wan welatan yan berhemê wan welatan bû.... ya me ew jî ne bû.

Her wesa ew volderên kurdistanê bi xwe re anîbûn ku geşt û gozara kurdistanê têde di dane diyarkirin bi hevre anku hemi pêk ve ne dibûne çend laperekên kêm û gelek di bê serûber bûn.

Lê berovajî yên welatên dî ku her bajêreka wan rêberek yan dû rêberên taybet bi xwe ve hebûn û li ser xelkî belavedikirin.

Her wesa cêwazî jî di diyarkirin û nîşandina cihên geşt û gozarî jî da hebû ku pûtekê êk car zor dabû hindek devera û hindek deverên dî jî qed ne dîmenekê wan û ne jî pêzanîneka wa dihate dîtin … her wesa tu bêjî ku ew ne bajêrekê kurdistanê ye.

Her wesa ger êkî bixwestibaye ku navnîşanekî bidene wan nebû, berovajî yên welatên dî ku kartên pênasekirinê yên cih û otêl û … htd li cem wan hebûn û belavedikirin.

Gelek têbînî yên me hene lê da ku gelek dirêj nebe li vir gotinên xwe bi dawî tînim.

Bi her hal pîroze kudistan di van core bizava de pişikdarîyê biket… gotinên me yên pêşîn tinê jib o wê yekê ne da ku bi rengekê baştir û şêwazekê başitir û ciwantir xwe di van renge bizava da diyar biken.

Beyrût

22-10-2008

Têbînî:

Li rojên (16-19.10.2008) peşangeheka navneteweyî ya geşt û gozarî bi pişikdarîya kurdistanê li paytexta libnanê hatibû vekirin.

çapkirin