MEŞA AŞTIYA CIVAKÎ BI SER KETIYE

 HESEN HUSEYÎN DENÎZ

Ji aliyê mertalên zindî yên bi armanca pêşîgirtina li şerê li ser gelê kurd tê meşandin, meşa bi ber çiyayên Kurdistanê ve tê kirin, ji niha ve gihişt armanca pê rabûye û serkeftina xwe vebirî kiriye.

Gelê kurd bi vê meşê careke din diyar û beyan dike ku aliyê mexdûr, aliyê azadîxwaz, aliyê aştîxwaz û aliyê mafdar aliyê gelê kurd e. Dewleta tirk û hêzên wê yên ewlekariyê jî bi derxistina astengiyan, bi qedexekirin, bi qutkirina rêkan careke din diyar kirin ku aliyê êrîşkar, aliyê bêmaf, aliyê zordariyê li er gelê kurd dike aliyê dewleta tirk e.

Dewleta tirk bi aliyekî yekalî di domandin û bilindkirina şer de bi heter tevdigere. Di vê berf û seqemê de bi operasyona li Çewlikê li dar xist dest xwe xist xwîna gerîlayên kurd ên di parastina rewa de. Wekî tê zanîn hêzên gerîlan di çarçoweya agirbesta ji aliyê KCKê ve hatiye beyankiri de, di nava parastina rewa de ne û ji be xwe ve êrîşan nabin ser hêzên artêşa tirk. Tevî ku artêşa tirk vê yekê dizane û tevî dijwariya şert û mercên zivistanî, bi hezaran leşker, bi dehan top, helîkopter û çekên giran li ser komeke gerîlayên hijmara wan ji yekîneyekê ne zêdetir kom kir û di şerê sê rojan de, ket xwîna gerîlan.

Tevî vê dijminatî û dijwariya dewlet li hemberî gelê kurd dimeşîne, domandina gelê kurd a meşa mertalên zindî di vê wateyê de serkeftî ye û ji niha ve helwestên êrîşkar û polîtîkayên mirin û kuştinê yên artêş û dewleta tirk vala derdixîne.

Gelê kurd êdî naxwaze xwîna zarokên wê bi sedemên kevnare yn ji dema dagirkerî û desthilatdariyê mane were rijandin. Ne xwîna zarokên kurdan, ne jî xwîna zarokên tirkan, ne jî xwîna zarokên gelekî din êdî bila nema were rijandin. Mirov, gel bi hev re dikarin di nava aştiyê de jî bijîn. Yanî ku bi 40 hezar leşker dewlet çû ser çel gerîlayî û deh ji wana kuşt, qey wê gelê kurd biqele? Ev meşa gelê kurd bersiva vê pirsê ye. Dibêje ku va ye em jî kurd in, em jî azadîxwaz in, em jê têkoşer in û em jî xwediyê vê dozê ne. fermo werin em li hev rûnên û çareseriyekê li pêş bixin.

Tam, jî di van rojan de hevpeyvîna birêz rojnamevan Altan û Çongar xwediyê wateyeke grîng e. birêz Altan şevekê li warekî bi çend gerîlan re dijî û dema ji wir vediqete, dibêje ku dilê min li wê derê ma. Êdî ku li cihekî agahiyeke di derbarê bombekirina warê gerîlan de were guhê min, wê di cih de hişê min biçe ser wê derê.

Ev mirovekî xwedî wîjdan e. şevekê bi gerîlan re jiyaye û di cih de nêrîna wî bi hişmendî hatiye guhertin, dixwaze di cih de aştiya civakî pêk were. Gelo ji bo pêkhatina aştiya civakî divê îla mirov here Qendîlê û bi gerîlan re şevekê bijî? Wê demê em bilêtên fermandarên gerîlan ji kîsê xwe bibirin û berê wana bidin warên gerîlan. Di serî de Yaşar Buyukanit û hemû generalên wî, fermandarên wî, pişt re ji Ebdurehman Gul û Tayip Erdogan bigir hemû siyasetmedarên kurd bila wekî konvoyekê ew jî ber bi Qendîlê ve bimeşin. Ango nêzîktir ber bi çiyayê Cûdî, Gabar, Herekol an Bestan ve bimeşin. Bes ne bi operasyon, ne bi dijminatê; bi dostanî, bi aştî, b mirovtî bila bimeşin; bila xwe bigihînin warên gerîlan lê dijîn, bila şevekê li konê gerîlan bibin mêvan, bila bi wana re bixwin, vexwin û sihbet bikin, gengeşe bikin. Bila bi hev re di bin konekî de razên. Dema sibehê rabûn û xatirê xwe ji gerîlan xwestin wê ew jî wekî birêz Altan bêjin, qetek ji dilê me li wê derê ma. Êdî piştî vê hevdîtinê wê nêrînên wan ên di derbarê domandina er de were guhertin û sedî sed wê ew bi xwe li rêkên aştiyê bigerin. Wê li warên gerîlan bibînin ku zanistiya rast, mirovatiya rast, hevalbendiya rast, aştixwaziya ji dil li warên gerîlan ji erd û ezman dibare. Kî were warê gerîlan dikare ji van nirxên şaristniyê ji xwe re sûd bigre, nêrîna xwe û ramana xwe bid guhertin û bikeve ser rêka aştiya civakî.

Belê gelê kurd ber bi qadên azad ve dimeşin; bi armanca sazkirina aştiya civakî, bi armanca dawîanîna li şerê bê maf ê li hemberî mafên herî bingehîn ên gelê kurd.

Divê fermandar, rayedar û siyasetmedarên tirk jî konvoyeke xwe çêbikin û mil bidin gelê kurd, wrin warên azad û gerîlan di cih de binasin. Ger di rastiyê de welatparêz bin wê vê yekê ji bo parastina welatê xwe û mirovên xwe bikin. Welatparêzî ne bi kûrkirina şer, bi dawçançna li şer û avakirina aştiya civakî xwe diyar dike. Gelê kurd bi vê meşê welatparêzbûna xwe diyar kir, êdî dor hatiye diyarkirina gelê tirk.

HESEN HUSEYÎN DENÎZ

çapkirin