Aye dema peymaneke din a Lozan û Ceza'êrê hatîye…?

Hozan Xelîl Murşid Efrînî

Eger mirov bi hestyarî û bi ronahî dîroka serhildan û şoreşên gelê me di serdemên borî da binirxîne, li gel dema me ya îro de, û werbêj bike, ma gelo çi cewazîyek heye li navbera peymanên Lozan 1923 an de û peymana reş a Ceza'êrê 1975 an de, ya ku hemo mafên rewa yên gelê kurd binpêkirin û di rojên îro de careke din hewil didin bi çarenivîsa gelê me bilîzin û bin pêbikin. Lê bi şêwazeke pir nerm û zirav û ramyarîyên xwe yên pêşêlkar li dijî gelê me li her çar alîyên cîhan bikar tînin û dixazin siyaseta osmanîyan pêkbîinin ''hesin bi hesin bi kutin''. Ma gelo çira ev hemo lîstok û pîlanên dijmirov li ser gelê me bikar tên…? Aye gelê kurd, ji ku hatîye ser vê zevîyê …? Ma cîh û war ji bo hemo kesî heye bi tenha ji bo miltekî ku xwedî dîrok û kultureke resen û bi hêze û bi hezaran sale li ser zevî û xaka xwe dijîn, ma gelo ev hemo welatên dijber û neyarên gelê me, çi ji me dixwazin,…? Carekê nave pîyavkujan li me dikin ,carikê jî navê rêgiran, têrorîstan, ciduxwazan, bikrêgîrawan, neyaran û hemo navên ne rew, dûr li rastîya vê miletî kû ji xwe bêtir xizmet bi wan gelan kirîye,ma gelo ev bacên wê alîkarîye kû selehdîn,ebu muslim xuresanî,yusif azme,edrîs bedlîsî,meleyê xetî, ji gelên wan re pêşkeş kirin....?.

Ez hezdikm ji xwenderên hêja re,hindek rastî bînim sernivîs,ma gelo çira ta niha em rastîya dijminên xwe nasnakin….? Çira em pir caran şan bi şanê neyaranên gelê xwe hatin bo ser senger û mewzîyên birayên xwe…?çira em dibin destek ji bo pêkanîna pîlanên qirêj yên li dijî vîna azad a gelê xwe…?.lewanê be hindek ji me dîrokê yan neyaran yan felekê bikin bi  sedem, lê bi rastî em sedemin û bixwe xalî bi sere xwe de dikin jiberku  eger dijminên me çiqas li me bidin û tu tiştî li ser me nehêlin û piştî demeke nêzîkde, bang bikin  yan bibêjin  gerek me bi serî kurdan we nekira wek, çawa kanan evrên div ê dawîyê de anî ser ziman''kû gereke me zimznê kurdan qedexe nekira''. Lê mixabin yekser kurdê me bawer dike û xwe nêzîk dike û nerim dibe, bo nimûne, serokê partrîya gelî komara Tirkîyê, Deniz Baykal di kongireyekî rojnamvanî de gotibû'' em ne li dijî kurdên bakûrê îraqê ne, lê em tenha li dijî PKK-ê ne''. Bi rastî hemû denge û  terezoyên raghandinî û helwêstên layanî kurdî bi piranî hatin guhartin, li hember bi kesê kû sersextirîn dijminê gelê kurde û ji her kesî pirtir dijeyetîya xala 140 Kerkukê dike ta  kû ve negire bo ser herêma Kurdistan. Herwe roj be roj gorên xelkê me li bakûrî welat dikolê û perlemanterên ku bi îrada azad a gelê me çûne nav perlemanê û rayadarên DTP û doza daxistina DTP-ê û serok bajarên ku bi hilbijartina rewa bûne bi serekbajar, dike bi armancên nîçîrîya xwe û ya gurgên har.

Lê mixabin, ev rewş bi hezaran sal liser me diqewimê, îro binirin li siyaseta durûyî, rayadarên tirkan dibin kesên navbêjîvan jibo li hevhatina Filastîn û Îsraîlê jibo berqerakirina aştîyê li Anqerê û di cihikî din ra hebûna 25 milyûn kurd kû bi hezaran sal li ser wê axê dijîn den pê nadin û serkot dikin û linav dibin û bi terror nav zet dikin. Lê ta nihajê gelek ji siyasetmedarên me û rewşenbîrên me, sergermiyeke cedî nadine bi rewşa bakûrî Kurdistan, wek nemir Îbrahîm Ehmed digot ''kilîta çareserîya gelê kurd di bakûrî welat da ye…'' ev gotin hêjayî dîrokeke zêrîne .herwa serokê herêm jî gotibû'' em bi mafên 30 milyon kesê me re ne li bakûr'', herweha Mam Celal jî gotibû''em pisîkekê jî radestî tirkan nakin, ev helwêst dîrokî ne, lê belê dibê bi piratîkî jî were bi cihkirin ta kû rolên xwe ên dîrokî bi ser rûpelên dîrokê de bisepînin.

Ez bi reşkavş bîr û boçûnên xwe tînim sernivîs, eger kû bizava ramyarîya kurd, bi jîyarîyeke nûdem û hestyar, nêzîk birewşa îro nebin ,û rewşenbî û ronakbîrên me bê helwêst bin , wê bibin bi zemîneke xwaş jibo dûbarekirina peymanên lozan û ceza'êrê,û ,bi taybet piştî kû emerîka 9 kesên îranî azad kirin û wê dîdaran jî bikin,eger îran bû bi dostê emerîka sûrê jî pêraye ,weko dîyare'' hemû ayetên neyaran bi navê qirkirina gelê kurd dest pêdike'',herwa dîrokjî tu carî din jî rehmetê li me nakê.

Hozan Xelîl Murşid Efrînî, 

rojnamevan li dezgey ''Aso Xandan", li Silêmanî

çapkirin