Welatê rojê

Hozan X.Murşid, efrinzan@yahoo.com

Bila destên kû dirêj ser lêvên te dibin

Bişkin,bibirin,pûçbibin û qet nemînin

Welatê heyvê

Bila çavên kû bejna te çavînî bikin

Her kûr bibin,birijin û kok nebînin

Welatê şînê

Bila girîn û lorîna dayikên jînê

Bikin lêlî û êdî bikin riya Mînê

Welatê xorê

Bila bijîn hejarên li ber mala xwedê

Xelatkirina  roja rabûna bi kedê

Welatê  zînê.

Bila guhên neyara bibin gêj û ker

Ji qêrîn û bangên keç û lawên kedker

Welatê axînê

Bila  rastiya te geş be ey mala karker

Navê te dûr be ji lîsteyên  dagîrker

Welatê xwînê

Bila berên çiyayên te bibin  efsane

Ya  Ferhad û Şêrîn gelek şikeft kulane

Welatê kînê

Bila nebêjin Kurd herdem  bê xwedane

Diyar bû kû mileteke pir bi wîjdane

Welatê jinê

Bila roja jinê bibe yada pir dilî

Demokrasî  kete nava hemû gelî

Welatê rojê

Bila hemû rûreşek ji vê serdemî

Bibe koçbereke bibe kolê herdemî

Welatê zor

Dila hemû damarên şîn rengên sor vedin

Dara jîndariya  te bi hevre xweş avdin

Welatê bûkê

Herçar pîkên te bi hevda tund girêdin

Birînên te bi çek û pênûsan berhevdin

Welatê olê

Bila hemû deverên cîhan her ceng be

Xweş rojek ji rojên azadiya te be

Welatê rojê

Bila serxwebûn herdem bi armanca te be

Hêviya mezin ji kedkarên doza te be

Ey welatê bajarvaniyê

Welatê rojê

14-9-2008-Silêmaniyê.

çapkirin