Ev nivîsa ji her dengbêjekî Kurd re ye .

Michel Jackson yaqût û cewherê sedsala bîstan bû !

 Inayet dîko

Bi mirina Michel Jackson gelek pirs,guman û tê negihiştinê derdikevin  ser ava meyî,weke kevzeke sermrdî bi av û lehiyan re dimeşe û diherike. Li ser zimanên gelek lêkolîner  û berpirsên cîhana civakî û siyasî, hate ragihandin ku dengbêjê reşik Jackson di mûzexaneya mirovatiyê û hunerê de weke cewher û yaqûtekê bû.

Gelek faktûrên giran hene ku heya ji bo Michel Jackson ewqas tişt werin gotin. mirina Jackson bû maddeya sereke û bû meydana lêkolîn û nirxandinê .                                                                                            Gelo ev Jakson kî ye?   û çi bû û çima ev gotobêjên wisa û gelek giran li ser wî têne kirin?Jackson ew bû, yê ku ji hemû mirovan re stranên xwe digot û diyarî dikir.

Jackson ew bû yê ku ji bo ax,zemîn û aşitiyê, dengê xwe bilind dikir , ji bo ku birçîbûn û nijadperstî li ser rûyê vê dinyayê nemîne.

Jackson qîrîn û banga xwe dikir di riya bazdan,hildiperik û dansên  xwe re. ji dar,ber,xêr û bêrê re diqîrî .gelek caran difirî û bi stêrkan re jî avceniya xwe dibir serî.                                                                                                                              

Di Albûma xwe ya di sala 1993 de ku tûmar kiri bû , Jackson banga xwe li hemû pêlên mirovatiyê dike û dibêje : „ ne xeme ku tu sipî bî, yan jî reş bî “. ev qîrînên han  ji korahiya dil û êş û tengezariya wî bi derdikevin û diherikin.

Di vê starnê de gelek dîmenên keskesorane wek filmekî bi reng û deng derbaz dibe û dighîne astên bilind ji hest û xewnan,

di vê stranê de Jackson dibe mirovekî Asyewî û dîmenên wî dîsa tên guhertin û pişt re dibe jinek ji rojhilata navîn û gelek caran jî di vî klîpî de bi çermê xwe yê reş wek xwe dimîne.

Dengbêj û Akterê me yê reşik Jackson ew paş encama kefteleftiyeke dûr û dirêj bû . di warê huner û musîkê de pêl vedana Elvis Presley bû. û di meydana xebatê de li dijî nijadperestiya sedsala bîstan bû.  Jackson berdewamiya Mrtin Lother King bû.

Felsefeta wî ew bû ku gerek mirov bi zehmetiyên jiyanê re xwe bighurîne  û mekenîzma berxwedana jiyana xwe jî pêş ve bide , ne tenê mirov reş bifikire yan jî tenê sipî bifikire. nameya wî ew bû ku tu carî biryar û qerarên nijadperestiyê nikarin li hemberî pêlên evîna wî bisekinin û bimînin. Wek vê stranê …… ( YOU ARE NOT ALONE ) http://www.youtube.com/watch?v=fhi9kNwHmts

Di demeke bendî,berberî û hovîtiya rêjîmên nijadperestan zor bilind dibû Michel Jackson hate dinyayê .

di demeke ku mirovên reş wek heywanan dihatin xuya kirin ,malbata Jacksoniyan bi / 5 / neferên xwe dest bi mûsîk û stranên xwe kirin û meledoyên xwe bi ked û westandin û cefa li seranserî welatê Amerîka digotin û dixwendin.

Di demeke ku nijadperestiyê,çavên rayedarên Amerîka kûr kiribû, nav û dengên Jackson bilind û berz bûn.

Di demeke tevheviya reş û kesên sipî , mirin û qetlîam bû,di demeke ku nirîn û rûniştinên li gele keçeke çerm sipî, xewn û xeyal bûn Jackson şewq û şewketa xwe da.

Lê ev hîn ne bes bû ,Michel Jackson çû li gel keça Elvis Presley jî zewicî û bê veger îmzeya xwe li bin rakirina feramên nijadperstiyê xist.

de here rakeve demgbêjê reşik ,Jacksino, te gelek pirsên bê bersiv ji me re hêştin.

Nave te ma !

Çanda te ji me ma !

Tu bû pireya aşitiyê di nav bera miletê Amerîkî de !

Pirs eve ?

De ka wezîfe û erkên li ser milên dengbêjên me çine ?

bi xêr û xweşî here, serê xwe dyne û baş rakeve .

te gelek dîwar û qeyd û bend ji kelehên zilm û zorê hilweşandin .

Ger ne ji yên wek Martin Lother King û Michel Jackson bana , gelo ma wê Obama ghîştiba koçka sipî ?

Good Bye JACKSON

Good Bye BOSS

http://www.youtube.com/watch?v=fhi9kNwHmts

dikoo@hotmail.com

çapkirin