Piştî ku Ednan û Hîwa ji girtîgeha bajarê Sine debasî hucreyên takekesî di yên îdara istixbarata bajar kirin, wan herduyan biryareke wiha standin. Piştî ku  qazîyê dadegeha îslamî biryara îdamkirina her du rojnamevanên Kurd da xûyanîkirin, ew hê di girtîgeha giştî da bûn. Lê dema dijberiyên li dijî vê biryarê li hemû Kurdistan û cîhanê bilind bûn, rayedarên dewletê bi awayekî veşartî ew derbasî zindana taybet kirin ku di îdareya îstixbarata bajar de ye û ji hucreyên takekesî û bêîmkan pêk tê.
Di hemû cîhanê de dema ku kesek bi îdamê tê mehkûmkirin, êdî wî/wê derbasî zindana giştî dikin, lê ji bo Ednan û Hîwa ev zagon berevajî hat bikaranîn.

Li dijî vê biryara dûr ji mafê her mirovekî her du girtiyên Kurd jî dest bi gireva birçîbûnê ya bê dem kirin. Hîwa û Ednan ji bo bidawîanîna vê girevê sê merc danîne ber rayedarên dewleta Îranê:

1. Vegerandina wan bo zindana giştî,

2. Hevdîtina bi berpirsekî payebilind yê dadgeha dewleta Îranê

3. Îbtalkirina biryara îdama wan.

Wekîlên Hîwa û Ednad ji malbata wan re gotine ku rewşa girtîyan pir xerab û ger rewş wisa berdewam be, hets mumkine ew canê xwe ji dest bidin. Hîwa Bûtîmar û Ednan Hesenpor berevajî kesên ku di çaxê gireva birçîbûnê de şekerê dixine nava avê, tenê avê vedixûn.