Li gor dîtina
pisîkologan, muzîk xwarina ruhê mirova ye û pêwîstiyeke xemrevîn e, ku ji
bilî wê di jiyanê de herdem rewþeke xemgîn û þêwyayî (tevlîhev) heye.
Min di
huner û muzîka koma Çar
Newa de evîn, liv û lebateke pir zêde hiss kir. Evîna ku ez di wê
baweriyê de me, ji rewþa jiyana Kurdan û ji bedewiya sirûþta rengîna
Kurdistanê tê.
Berhema Çar
Newa ya bi navê MAK,
ji bo dema ku em niha têde ne bersivek e. Her tiþtek li gor çax û dema xwe
dikare bê nûkirin û dewlemendkirin; lê ger dewlemendî li ser esalet û
bingeheke saxlem bê çêkirin, dikare bi navê xizmeteke dîrokî bê
tomarkirin.
MAK
ji aliyê zindîkirina berhemên folklorî ve, ku bi muzîkeke pir dewlemend
hatiye amadekirin, liv û lebatek
tejî coþ û xweþî têde heye yê di dîroka hunera Kurdistanê de cih
bigire. Dengên bilind û xweþ hunera komê zêdetir kiriye. Ev huner çar perçeyî,
hemdem û pêwîst e bê guhdarkirin.
Tiþtekî
gelek balkêþ e, ku di van 20 salên derbasbûyî de li rex guherandinên siyasî
yên li Kurdistanê çêbûne, hunera kurdî jî derbasî qonaxeke nû bûye.
Gelek hunermend rabûne ser piyan, ku xwestine li gor demê û bi çaxê jiyanê
re ber bi pêþve bimeþin û bersiveke erênî bidin xwestekên gel.
Di civaka
Kurdistanê ya îro de hunermendên Kurd xwedî rûmeteke bilind in. Bi taybetî
ew hunermendên ku qedera jiyana xwe bi rewþa siyasî û civakî ya gelê xwe
ve girêdane di nava gel de pir tên hezkirin. Di nava Kurdan de dengzelal û
deng-Dawûdî pir in, lê ji ber helwesta xwe ya ji bo doza Kurdistanê qîma
wan nehatiye, ku huner û kesayetiya xwe bispêrin sîstema serdest û dagîrkerên
Kurdistanê.
Endamên
koma Çar Newa, bi qasî ku ez
dizanim, herdem xwestine berhemên hemdemî û nû biafirînin û bi coþeke
germ û tejî evîn derkevin pêþberî gel. Ji bo selmandina vê rastiyê wê
demê bînin ber çavên xwe, ku ciwanên Kurd di konserên
Çar Newa de bizaveke çawa ji xwe didin nîþandan.
MAK
bi berhemên xwe yên folklorî, ku stranên xwe ji hemû herêmên Kurdistanê
hilbijartine, dibe ku tiþtekî nû ji bo gotinê têde tunebe, lê dewlemendiya
muzîk û dengên bedew bi guhdaran didin fêmkirin, ku mirov dikare bi rengên
xweþik û bedew xweþikî û þirîniya nava mala xwe zêdetir bike.
Çar
Newa di MAKê de li hemû herêmên Kurdistanê digere û bi her sê zaravên
zimanê kurdî (Kurmancî, Soranî û Dimlî) germiyeke bêdawî di xwîna
mirovan de diafirîne. Ew ji Serhedê Resoyê
dengbêj bi bîr tînin û ji kaniya stranên Serhedê çend stranên din yên
mîna Kiþe, Ha Silêman û Bostano jî dixwînin. Ew li Rojhilatê Kurdistanê
hunermendê navdarê Kurd Hesen Zîrek
bi bîr tînin û bi vî rengî bi rêya stranekê girêdaneke giyanî(ruhî) di
navbera du perçên Kurdistanê de tê çêkirin. Bi rêya deng û rengan(Radyo
û TV) Kurdan heya niha qîmeta sînorên destçêkirî di nava her çar perçên
Kurdistanê de negirtine. Bi van herdu rêyan Kurdan bêtir dengê hev bihîstine.
Dema
hunermendên welatekî bindest mîna Kurdistanê bi hemû zaravayên zimanê xwe
bixwînin, ev kar dikare bibe xizmetek ji bo yekgirtina zaravayên zimanê kurdî
û çêbûna zimanekî standard di paþerojê de. MAK
xwedî mesajeke wiha ye jî.
Kurdên
Qefqasiya di hemû dîroka jiyana xwe ya xerîbiyê de xizmeteke berbiçav ji
ziman û hunera Kurdan re pêþkêþ kirine. Çar Newa bi xwendina strana
„Xemlî Zozan“ keda mamosta Aram Dîkran
jî bi bîrtînin. Hesen Zîrek, Reso û
Aram Dîkran mîrasê dewlemendiya stran û lorîkên Kurdan in û divê
keda wan neyê jibîrkirin.
Endamê
komê hunermend Serhed di van salên
derbasbûyî de bi afirandinên xwe yên hunerî û dengê xwe yê xweþ dibe ku
stranbêjê herî aktîv di nava koma Çar Newa de be, ku di deng û evîna
wî de westan nayê dîtin.
Ji yanzde
stranên albûma Çar Newa ya dawiyê
mirov þa dibe dema ji Serhed, Botan û Mûkriyan stranên reng bi reng dibihîse.
Ji bona wê jî ez di wê baweriyê de me, ku bi bihîstina van stranên tejî
evîn kal û pîrejinên 80-salî heya zarokên 8-salî yê bê vîna(îrada)
xwe di cihê xwe de bireqisin. Mesaja herî bilind a hunerê jî kêfxweþî û
þadkirina dilê mirovan e.
Çar
Newa li bakurê Kurdistanê koma herî serkeftî ye, ku heya roja îro bi
awayekî aktîv albûmên xwe gihandine gelek deverên Kurdistanê.
Ew hunera ku ruhên çirmisî bilivîne, çavên bê hêvî ronî bike û dilên mirî zindî bike yê di dîrokê de bimîne û yê herdem bê guhdarkirin.
Têbînî:
Ev nivîs di kovara HÎWA de hatiye weþandin.
