Ji Meryem Xanê heya Merziye Rezazî…
Kakşar Oremar, Kakshar_oremar@yahoo.de
Du sel li ser wefata Merziye Rezazî(Ferîqî) derbas bûn. Birastî jî dem çiqas zû derbas dibe!!. Qey duh bû dema ku hevalekî ji navenda nûçeyên Roj TV tela min kir û bi xemgînî wiha got:“ Ezê ji tere tiþtekî bêjim, lê zêde xwe nerehet meke: Merziye jî çû!!“
 |
Demekê bêdeng mam, xewin bû
an jî rastî… Bi bê
xatirxwestin min tel li ser wî hevalî girt. Min bawer nekir û dil jî
nexwest xebereke wiha xemgîn bipejirîne. Min zû tela Merziyê kir,
lê girtî bû.. Berîya wê bi çend rojan em bi hevre axivîbûn.
Li ser CDya xwe ya dawiyê hinek agahî dan. Piþtre min tela
hunermend Necmedîn Xûlamî kir û wî jî bi qirikek girtî û
dengekî xemgîn got:“ belê kakegiyan Meziyekeþman çû…“. Hemû
tiþt di du-sê deqeyan de bidawî bû. Jiyana miroveke Kurd û
dengxweþ wiha bidawî bû. Di dil û mejiyê Merziyê de hezar hîvî
û xwezî hebûn. Çiqas bi salên xwe yên dahatî hîvîdar bû. Þev
û rojan dixebitî ku armancên jiyanê cî bi cî bike. Jiyan li ba wê
xwedî wateyek taybetî bû û dixwest di vê navê de armancên
jiyana xwe bi armancên gel ve girê bide. |
Dema
ez kûr li ser jiyana Merziyê difikirin, qeder û serbihûriya Meryem Xan tê
bîra min. Çimkî:
Meryem Xan û Merziye Rezazî her du jî di temenê xwe yê ciwaniyê de
wefat kirin. D i bihara hunera xwe de mirin. Yanî Meryem Xan 45 salî û
Merziye jî 47 salî bû.
Her
duj dem û çaxekî mirin ku nav û dengê wan di nava Kurda de pir bilind
û her du jî gelek naskirî bûn. Stêrka wan di esmanê hunera Kurdistanê
de roj bi roj geþtir dibû.
|
Di dengê Meryem Xanê de hemû êþ û elemên jina Kurd xuya ne. Wê ew stranên folklorî gotine ku ji zimanê keç û dayikên Kurda ve hatine bihîstin. Merziye Rezazî jî hertim li pey wan helbestan bû yên ku nasnavê jina Kurd têde diyar be. Wê dixwest ji jina Kurd re bistire an jî bibe dengê jinên belengaz ku ketine bin darê hezar cûre pêpestiyan. Ji ber wê jî hertim helbestên Mestûre Kurdistanî(Erdelanî), Mehabad Qeredaxî û wan kesan dixwendin ku li ser jinê û bi zimanê wê hatibin nivîsandin. Naveroka stranên Meryem Xanê derd û elemên jina Kurd yên destpêka sedsala bîstan bi ronî radixe ber çavan. Merziye jî li pey rêyeke wiha digeriya. Albûma wê ya duyê» Belên bide » li ser soza evîndariyê destpêdikir. Di
nava Kurmancan de navê Meryem Xan wek yekemîn jina Kurd ku cara yekê
stranên xwe li ser sêlkan tomar kirine, di dîrokê de cih girtiye.
Wê huner û strangotin bi ser hemû aliyên din yên jiyanê de
bilindtir dîtine. Ji ber wê jî bav û bira û heta hevalê jiyana
xwe jî terkand û nekarî evîna strînê bike qûrbana jiyana
hevpar. Merziye Rezazî
piþtî çend jinên din dest bi strînê kir, lê ew di nava Kurdên
me yên Soran de yekemîn jina Kurd e ku mîna Meyem Xanê huner û
stran ji xwe re kirine karê sereke. |
|
Belkî
serdema jiyana Meryem Xan û Merziye Rezazî ji aliyê xwe yê teknîkî û
îmkanên jiyanê pir ji hev cuda be, lê wan her duyan jî di temenkî de
wefatkirin ku pilan û projên mezin li ber destê wan bûn ku ji gel û
civakê re bikin mal. Xwezî û hesretên nîvco bi xwere birin bin axa sar.
Meryem
Xan û Merziye her du jî piþtî neþtergerî(cerahî)yek neserketî jiyana
xwe ji dest dan. Her du jî bi saxî ji nexweþxanê derketin, lê bi bê çavdêriya
doxtoran man û gelek bi erzanî bûn fîdayê nezanîn û xemsariya doxtorên
xwe. Piþtre jî kes neket pey tawanbariya wan doxtorên ku bûn sedema
mirina Meryem Xan û Merziye Rezazî.
Her
du jî him li xerîbiyê û dûrî Kurdistanê û hem jî li bajarên mezin
û xwedî hemû cûre îmkanên dermanî mirin. Meryem Xan li paytexta Îraqê(Bexdad)
û Merziye Rezazî jî li Stockholm (paytexta Swêd)
mirin.
Her
du hunermendên me bi qîmeteke mezin di nava dilê gel de cih girtin û wek
kesayetiyên navdar di dîrokê de xwedî navekî bêmirinin. Meryem Xan wek
«serkêþa jinên stranbêj» navekî qenc û nemir li pey xwe hiþtiye û
Merziye jî mîna jineke xêrxwaz, dosta zarokên belengaz û alîgira hemû
cûre mafê jinan xwedî kiryarên hêja ye.
Birastî jî Meryem Xan û Merziye Rezazî qet namirin.