Asoyê meşa jînê

 Kamran Simo Hedilî

fêrkirina berfînan

di asîmanê hatina min de

difûre

ew kulîlk 

evîndarê dîtina rojê ne

berfê qoldikin

û bi şadî dimirin

wan ez fêrî

evîna mirinê kirim

di riya te de

li mirina xwe

digerim

mirin hebe bila bi dîtina te be

Qêrînên te

bobayên kolanên Helebçe ne

dilê min hê Dêrsim e

bêhnkirina her kulîlkê

te bi bîra min tîne

bi vê daxwazê

min xwe mezin kir

paqijiya vîna min

hezkirina çûkan ya bêtawan e

di OL û bîra min de torebûna

nijd û OLAN nîne

germiya rojê

dihesilê merdiya min

lê

ne evîndarê kujerê xwe me

nava min

Volkanê nevemirî û melûliya helbestê ye

sebir pengbûna

çemên welatê xemgîn e

li asoya karwanê serkeftinê 

çav li te digerin

tu li ku derê yî?

evîna min a bêdeng

şahiya bitirs

27.11.2009

Kamran Simo Hedilî

çapkirin