Bendaweriya Bêdawî

Kamran Simo Hedilî

bênavnîşan

tu çûyî

firmêskên axînê

herikîne şunpiyên te 

dîwarê jînê hêrifî

sêwiyê 

kolanên

bi cih hiştî me ez
zelalî

di siya hêviyê de

bihûrî

êdî

ez sernişiv

diçim

mijê deşt girt

berf barî

li çiyê 

bihar

bêxatir xwestin çû

havîn

li cih ma

li ser çiqilê darê

di pelên zer de

xoşewîstî dinalê

sal dihatin û diçûn

evîna min

dilciwaniya xwe nû dikir

di êtûna temen de

dîl hate girtin beyan

giyan

dişemite bendîxanê

dil telişî

xemgînyê koçka xwe

di çavên min de danî  

şadî

di kefenê xewan de

fetisî

ez

di bendaweriya narîniya te

a nazelîn de

dipalime derûniya xwe

li hingurê demsala dawî

tu

di spîbûna mûyên cênikên min de yî

tu

silavdayîn î

pirtûkxwendin î

helbestnivîsandin î

tu

bizava tekoşîna jîna jiyana min î

01.18.2008

çapkirin