ÇIRÛSKA AZAD

Kamran Simo 

Zagros

dilê parkirî

sehwa min a birîndar

şanaziya çar werzan

welatê min î azad

fermandarê henasa rûmetê

deriyê tola dîroka bêhêvî

tawanbarê şerê jiyanê

çirûska

gulvedana awirên hêviyê

min

çiyayên te vexwarin

di kaniya stêrên bêgor de

û

rizgar bûm

ji davikên tirsê

durûtiya li derdorê

jehra kurmê darê

ez

di goristana jînê re buhurîm

min nedî

tirsonekekî şad û durûyekî rûbiken

mizgîn li te mizgîn

hêlîna wêrekiyê

xunava maça Bêrîtanê

êdî azad im

ez berê

di riya mirinê re derbas bûm

piyên min fêrî vê rê ne

paşî mirinê

ji mirinê pê ve mirin nîne

dilo

09.12.2007

çapkirin