Lorîneke lal

Kamran Simo

birûskên

çeperên hêviye

dengvadanên

loriyên mextela dîliye

bê peyv

tu afirandin

salên min şad

meh evîndar bûn

ne hevokên dirêj man

te

bi wan hembêz bikim

û ne jî

kenê  

xeyalan bibe serkeftinê  

roj

serxweşên hesretkêş in   

şev

evîndarên evîn têkçûyîn e

janetirsê

rengê kulîlkan dizî

situna wêrekiyê herifî

tarî

hate berwarê şadiye

rûbarê êşê

siwarê jîna gerok e

dil

xweliya bêrîkirina xwe dixwe    

awirên dojehê

ez hingaftim

jiyan bû lihêfa kurt

bi jor ve

dikişînim

teliyên pî

dimînin sêwî

bi jêr ve

dikişînim

guh û mil

diçine serma bakûr

04.03.2007

Kamran Simo Hedilî

çapkirin