GIRINGIYA KEVNEŞOPÊN BASINBAR Û ROJA ÇARŞEMÊ

Li gorî ez ji Êzdîyatiyê fahm dikim; Xwedê ji ber nûra xwe Tawisî-Melek di rojeke çarşemê, ku ketiye bîstûpêncê meha kanunê ya dawiya çilê zivistanê de û dinya jî dîsa di rojeke çarşemê ku dibe dest pêka biharê de afirandine(çêkirine).

Li gorî mîtolojiya Êzdîyatiyê, çend kevneşopên ku roja çarşemê pîroz dikin evin:

Tawisî-Melek hersal carekê di roja çarşema yekemîn ku di keve serê meha nîsana rojhilatî de ji ba Xwedê tê dahirî ser erda Lalişê dibe û ev roj dibe sersala Êzîdiya.
Milyaketan di roja çarşemê de ruh berdaye qalibê Adem.
Tawisî-Melek di roja çarşemê de Hawa ji Adem re afirandiye.
Seyîdî bin cer di roja çarşemê de çêbuye.
Roja çarşemê roja cimayî, dawetnebî û hemû cejnên pîroze.
Roja çarşemê roja şûştin û gera cin, perî û milyaketa ye.
Ji ber vaqas buyerên pîroze ku, em Êzîdî hêjî bi taybetî hemû rojên çarşemên di meha nîsanê de dikine cemayî û dawetnebî.
Em Êzîdî hêjî di tevaya meha nîsanê de tû dawetan çênakin û di hemû rojên çarşemen salê de jî tûcarî mahrê na birin.
Roja çarşemê roja betlana Êzîdiya ye
Ûwd.

„Çarşema Sêre Nîsanê
Şixadî Şêxalê Şemsa xweste dîwanê
Da qayîm bikin dîn û îmanê
Ev e îda Kurdistanê.“

BASINBAR

Em Kurdên Êzdî ji berê ve, timî piştî her sersala nû, di roja heftê meha nîsana Kurdî de, ji hiriya miya tayikekî bi teşiyê dirêsin. Dûre benikê xwe bi her sêh rengên pîroz di rengînin û ji vî benikî re dibêjin basinbar. Merivên Êzdî vî benikê basinbar bi qevda destê xwe ve girêdidin û hêvîdikin ku nezer, nexweşî, bela û kêmasiyên sala nû neyê ne serê wan. Wekî din jî benikê basinbar, li ba me Êzdîan symbola bereketa demsala biharê, zad , pez, dewar û hemû zêdebûnê ye. Lewma, hêjî gelek Êzdî di roja heftê nîsanê de basinbar bi hemû dewar û pezên xwe vedikin. Hinek jê jî basinbar bi serê darikê ku pelora Xidir Elyas û Xidir Nebî pê li hevûdinê xistine vedikin û dibin di nava hemû zad û çandiniyên xwe de diçikînin.

Ev Çarşema serê Nîsanê û Basinbarê Êzdiyan pîroz be !

çapkirin