Qamişlo Bo Te Silav

Konê Reş

Qamişlo bo te, silav û silav

Mala silavê, li te be silav

Bibare aştî, biratî bijî

Qamişlo bijî, her bijî bijî

Nisêbîn û Tor, raserî te ne

Amûd û Dêrik, du baskên te ne

Qamişlo bû te, silav û silav

Mala silavê, li te be silav

Qamişlo canê, bûka dîlanê

Bûka Cizîrê, navenda danê

Navenda zevî,ceh genim û nok

Demsalên te çar, pey hev wek zîzok

Qamişlo bo te, silav û silav

Mala silavê, li te be silav

Zivistanî sar, serma te xedar

Havînên te gerim, xwêdan tête xwar

Payîzî bi toz, bi ba ecacok

Buharên te xweş, mîna bihiştok

Qamişlo bo te, silav û silav

Mala silavê, li te be silav

06/09/2005

copyright © 2002-2005 info@pen-kurd.org