anmeldung

Xulamên xulamokan e

Konê Reş

Xulamên xulamokan

Çavnêrî û zêrevaniya

Şopa û şûna te û

Pîş û sazê te

Dikin..

Hewil didin bahoza te ya gur

Rawestînin..

Gelo keviz dikare deryayê

Beden bike ?

An ;

Burc ji qûmê têne

Avakirin ?

Guh li wan neke..

Çendî perperîk

Li dor çirayê kom bibin

Xwe di şewitînin û

Xweş nîşane

Ji ronahiya çirayê re.

Xemgînî tu ?

Ji ber ku derew û xap

Li te kirine û dikin ?

An bazirganiyê

Bi navê te dikin ?!

Ne xeme ..

Bi vir û xapan

Rojên xwe derbas dikin.

Ji wan werê kes wan nas nake,

Bîr nabin ku

Wek rewrewkê ne

Çendî mirov nêzîkî wan bibe

Têne veşartin û

Çendî dûrî wan keve

Belû û eşkere dibin.

Carna tu şiyar dibe ku

Xwe di pişt rewrewkê de

Veşartiye ,

Bi kîn û zikreşî

Dane ser şopa te û

Bi bê dengî şerê te dikin.

Hewil didin bi navê te

Bazirganiyê bikin û

Te bi guherînin,

Rêbaza te li ber çavê te

Reş bikin û dawî

Te bikin xulamekî mîna xwe ..

Pêwîste tu bi wan re bikene

Ji ber ku ew koleyên demê ne

Nêzîk,

Wê dem dêmê wan

Yê rast eşkere û belû bike

Ma te ev gotina pêşiyan sehnekiriye:

( Tu çi tovî di xakê de bi reşîne

Tê berê wî tovî hilîne).

Bi girnije..

Te ew kirine sergêjekeke mezin de

Tu bûye barekî giran

Li ser milên wan

Di bin giraniya barê te de

Xew li wan di herime û

Ew çend gotinên ku tu dinivîsîne

Ji wan re bûye kul û xem..

Bi live ..li paş xwe nezîvire

Ew xulamên xulamokan e.

Qamişlo Tebaxa 2004 an

çapkirin