Mano Khalil

Du filmên Kurdî

„Al-Anfal“ û „Davîdê Tolhîldan“

Başdarî festîvala filmên navnetewî yên Rojhilat li Genêva Swîsrî dibin

Festival ku di navbera 7 ta 13 meha Nîsanê 2008 li bajarê Geneve li dar dikeve du filmên Kurdi helbijartin. Ev her du film ji produksîona Mano Khalil û co-produksîona wezareta Rewşenbîrî û televîzîona Swîsrî ne.

Filmê yekemîn „ Al-anfal - bi navê Allah, Baes û Seddam“, di dawîa sala 2005 an de hatiye dexistin. Mijara vî filmî operasîonên ku rêjîma Baes a Îraqê di sala 1988 an de li dijî miletê kurd li başurê Kurdistan li dar xist, ku bêhtirî 182 hezar mrovên kur hatin kuştin û bi hezaran gund bi erdê ve hatin serrastkirin, yan jî hatine wêrankirinû û sewitandin tîne ziman

Her ku mijara film bi taybetî li ser şerê Enfala ye û metodên ku rêjîma Baes bi kar tanîn ku miletê kurd qela bike, lê ji alîkî din ve di riya dokumentên rêjîma Baes li ser kêmiyabaran kirina Kurdistan û eşkencên ku bi ser kurdav e di zindanan de dihat tîne ziman.

Mesaja filmê Al-Anfal ne tenê dîrokê ji nuvre vedigerîne, lê li ser hêviya miletê kurd disekine, ku ev miletê ciqas jî bi sed hezaran şehîd dane tucarî namre û azadiya xwe wê bistîne. Ev film di demekê de tê şanî dan, ku mirov divê Xwînxuar Ali Hasan Almajid û hevalên wî ku li hêviya Sêdarê ne, û yen din ku li Dîmaşqa welatê Suriya a Baesî bi azad digerin ji bîr necin.

Filmê duemîn filmê “ Davîdê Tolhildane”, ev film berî salekê kete Produksîonê de û heta roja îro başdarî dehan festîvalên navnetewî buye. Weke ku nemaye veşartî, her ku ev film li deverekê tê şani dan, li hember protetoya rejîma Tirk ru bi ru dimîne, Li hemu cihan, rêjîma Tirk di riya qunsilisxana xwe, dixwazin ku ev film li diniyayê neye şani dan. Helwesta rêjima Tirk ji qedexe kirina vî filmê ewe, ji ber ku cara yekemê ye filmek Kurdi bi cavên beyanî li ser rastiya û heqê miletê kurd di serxwebun û azadiye de tê şanî dan. Ji roja yekemin de, rojname û mediya tirk her derewan dike û axivtinên ne rast û şaş li ser zimanê mirovên  ku di film de cih girtine derdixe holê, ev jî her bê besriv dimînin, daxwaza wan ewe ku Film bi mînak vala weke Terorîsm û alîkariya terorîsme bide nîşan dan û bê qedexe kirin, le tucar bi ser nekeve.