AX DILÊ MIN WAX DILO

Mürüvet Y.Cacim

 Ax dilêmin wax dilo

 Li ser kevirê sebrê de dibejim u dilorînim

Çi maye tiştên ku te ji min nebirî,

Çendheb tiştê bêxer mane ji minre

Yek çavekî bi hesir u dilekî herikî

Çend bîraninên di nav mij u xumamêde mane ji minre

Dem dibe  şune  me herduyada ez digirîm.

Ne dikarim evineke nu biparêzêm

Nejî hevîdarîyekî mezin bikim.

Dilê xweyê talankirîde

Cavên te dilêmin kilîtkirîye.

Dawîyên ku bê xwatir xwastî

Dawiyên bê hevidar

Bê demsal ev cara çendaye gelo

Pelê dara bendewarîyê weşîyan

Berf dibare li ser hevîdarîya de

Jı bo bîrvakırina te ne dem lazime,

Neji demên ku derbazdibin têra bîrvakirina te dike

Ax dilémin wax dilo

Bese êdî bese were, were ji şevên minre bibe roj

Bê dengîya tarîya şevê wek xwenavê min dorpeçdike

Ji rikén şevên bê te de, sîhyate dinikute şevên dijwarde.

Ez lambên stêrka vedixim yek bi yek 

Ji şevên minre dibin roj u bedena minre dibin germahayî,

Wek germahiya te nabe; germahîya teye ku li ser singê min de

Ku bedena min dilerizîne rihê min dihellîne

Germahîya teye ku dibe agir alav li ser lêvên min,

Min serxweş dike u bedena min ji xwere dest bi reksa kevnare dike

Ax dilémin wax dilo

Dı bajarén wendakirîde

Di şevên serxweşte

Soz u biryara evînên nu didim

Kevirê sebrê dibe mermi li lula dilde

Ax dilê min wax dilo

Min navê te nivîsî kuranîyen xwede

Bilore dilê  minê sewi bilore.

Ez tevneki dihunim bi hevî  u xeyala

U bi huba dilê xwere dardixim

Bi jana dilê xwe re reng dikim tayin wê

Helboqe bi helboqan reng bi rengan

Wek hevidariya dilin evîndaran

Rengek ji kocgîrîye berxé min

Yek ji gelîyên zilan

Hewarek li helepce qerinek ji dila

Ax dilêmin wax dilo

Şevan dirêjdikim wek kezîyên xwe

Xewnan dihûnim dukela dilê xwede

Dilorinim bi bayên şevere

Biruskan dineqişinim ji rojere

Dikim konê qedera xwe ye reş hilweşînim

Ax dilémin wax dilo

Ez şevereşekim, tirêjên rojên xwe veşartine

Hew dertên li ser min, u ruyê xwe nişa min dikin

Kevirê sebrê dike kû biteqe

Ax dilêmin wax dilo

Ne bi gotina Ahîdê ne bi ayetên Quranê

Sond û peymanan didim li ser vî canî

Ez Çiyaki be rê u helûneke bê çivîkim

Dilê min parestgaha êş jana teye

Ax dilémin wax dilo

Çima çima bedena min, rihê min u hisên min, bê gîyan ketine

Wendabuyînê ku paşva nayîn, şaşîyên  ku çare lê nabin

U derdên ku derman nabin çima tev paraminin

Ax dilémin wax dilo

Desteki ku nayi ditin, min dikşine melankoliyê u nava şevereşekî

Şingirtin bu şiklê jîyana min

Karekî ku ez bikim  u evîndarekî minê ku ez li bigerim ji tuneye

Car caran min hinek ji jiyana xwe avêtin 

Hinek caran  jî  hinekan ez di jîyana xwede avêtim

Demên buhurê bi lez wek avê herikîn çun di serminde

Di wan demanda ax di wan demanda

Min hinek nas ji  pirtuka dilê  xwede derxist u avêt

Hinek nasên min jî bun bîyanî

Ez tucaran wek naha bask şkesti bê qudum tenê u  neçar nebum

Kevirê sebre li ber teqandinê ye

Ax dilémin wax dilo

Fersah fersah berjerê  jiyana xwe ye çuyî bum

Jiyana bê gîyan jîyana bê armanç

Di kortikên çevên min de tên xwarê wek şelala Miradyê

Ez di menzila kul u derdan dame iro disa

Ax dilêmin wax dilo

Di ramana min de bîranînê perçe perçe wek neynika şkestî

Bîranînên minde zaroktiya min  ciwantiya min hiç  tuneye wendane

Difikirim  ma ez  çawa ji dayika xwe bume ez waha bum gelo

Jîyana min  wek  wêneke reş u sipîye

Çima çima kesek min nabhîze u nabîne

Hewara dilê min nabhîze ku hatîye dawîya jîyana xwe

Ne femkirin derd  u xem wendabuyin u  wendakirin ma tev paramine

Kanê kanê rengên min yên din

Şîn pembe u  gevezên min kuderêne kani keskê min

Li kuderêye sor u zerên min

Ez bê qudumum u naçarim lê dilê min u ramana min nude dijî

Disa ji bo  mirovatiyê rumetê didim afirandin li cihanê

Ax dilêmin wax dilo

Min dilê xwe u ramana xwe avête ser baskin teyran di deryakide difirin

Berbi rojeke  azad va dicin

Ey dilimênê bi kul u birin  ey ramana mine ne çareserkirî

Herin herin selami mine germ

Ruh û canê min bibin  ji welatê minre

Dema hun çune li ser axa welatê ku bi salan tên talankirin

Namusên jinan tên paymalkirin

Bedenê zarokan bi 13 de gulan tê xemilandin

Wek 13 de kahniyên xwini diherikin di dilê minde

Wê demê hesirin çevên xwe veşêrin

Axina welatê min u germahîya dilê gelê min  ji minre bînin

Da ku ez nude bijim

Da ku  bikaribim evîna mezin bikim

Di dilê xwe yê çarperçe kirî de

Da ku ez bikaribim kurdi bikenim

Edî kevirê sebrê ji teqîya

Ax dilémin wax dilo

  Mürüvet Y.Cacim

muruvetcacim@gmx.de

çapkirin