ÇİVİKÈN DILÉ MIN

 Mürüvet Y. Cacim

Iro disa çivîkên dilê min difirin

Serê xwe bilind dikim ewra dinhêrim

Ew ewrê nimiz diçe xerbê

Ewrê pej pejî  diçe şerqê

Ewrê gewrik  ber bi deryayê de diçe

Lê ev ewrê wek pengê pembû

Ev ewrê nêzîkê min

Ev ewrê dev kenok

Gelo ez şaşim xeyala dihûnim dîsa

An bi rastî  ev ewra bi min nase

Na naaaaa ez ne şaşim

Ev ewrê welatê mine va diçe

Ev ewra diçe ber bi welatê min

Heyy ewri sîpî  û çîl ka bisekine lo

Hun dibezin di ezmanê şîn de

Bê sînor û bê kinar

Ka bisekinên gidî

Çend gotênê vî  dilê jî  heye ji were

Dilê ku di xerîbîye de hedirîye

Ramana hîç azadî nedîtîye

Wana bidin ser baskên xwe

Ji bona bê welatiya û penabera

ji bona hisreta Niştiman

ji welatê minre bibin van gotina

Şareza nînim cana min

Bengi ji nebume lê mêze bike

Ax mêze bike

Iro disa çîvîk ji dilên min difirin

Iro disa çivikên dilê min difirin

Çivik ji dil difirin

               Mürüvet Y. Cacim

               muruvetcacim@gmx.de

çapkirin