Ax Kurdistana min ax

M.Salîh Dalînî

Li her derê Kurdistanê                        

Dijmina êrîş berdanê

Bi kuştin û bi lêdanê

Ax Kurdistana min ax

Kurdistan welatekî şêrîne                            

Tevde mêrg û tev kanîne                             

Dîroka wê tev de xwîne                       

Ax Kurdistana min ax

Bi bombe û bi kîmyasala                              

Millet kuştin cîh ma vala                             

Ma ne bese ev çi hala                                     

Ax Kurdistana min ax                             

Kurdino rabin derenge                                 

Zerok mane li bin tange                                     

Li Kurdistan şer û cenge                                

Ax Kurdistana min ax                                          

Dikin şerê serxwebûnê                                     

Şer germ bûye wek êtûnê                                  

Ma ne şerme ku tu rûnê                    

Ax Kurdistana min ax                                          

Mizgîn dayîka Kurdistan

Ser te dikin şerê giran                     

Diçin dijmin wekî şêran         

Ax Kurdistana min ax

Kurd ji bo te  serî hildan

Ji bo te canê xwe didan

Ticar dest ji te bernedan

Ax Kurdistana min ax

Ser te sînor qebûl nakin

Emê dijmina belakin

Emê dilê xwe pê şakin

Ax Kurdistana min ax

Xweş çîya û zozanên te

Xweş bax û bistanên te

Xweş koşk û dîwanên te

 Ax Kurdistana min ax

Hezar salin bi vî rengî 

Dijmin li me dikê tengî

Tê bindest bê hata kengî

Ax Kurdistana min ax       

Ji Kerkûk hata Edene

Sine û Efrîn yên mene

Va em jî têra xwe hene

Ax Kurdistana min ax

 nivîskar (hevîdar) M.Salîh Dalînî

1993  ALMANYA

çapkirin