DÎTINEK BI LEZ

Mustefa Reşîd

Gava ew dihat

            Min got yaşil´e

Gava min ew dît

            Şeng û çavkil´e

Şox û çeleng´e

            Qişt û fodil´e

Gava ew kenî

            Min dît sorgul´e

Min destê çepê

            Danî ser mil´e

Min destê rastê

            Danî ser dil´e

Ziman şêrîn´e

            Rengê bilbil´e

Bihin bihuşt´e

            Ember û fil´e

Min lêv ramûsan

            Ji kufta dil´e

Kanya pîroz´e

            Xweş vilevile           

Coka hungiv´e

            Şerbet û mul´e (*)

Serxweş û mest bûm

Her dixulxule

Gava bi rê ket

            Çavê min şil´e

Gava wenda bû

            Rewşek kavil´e

Di dil da diman

            Kovan û kul´e

(*) mul = şeraba tirî (wein, vino)

Homburg, 07.06.2009

çapkirin