HEY ÇÎÇEK

Cegerxwîn

Hey çîçek , çîçek , çîçek şîn bû li çemê Qirdîlek

Min ramîsanek jê xwest ken û awir çûn dîlek !...

Çîçek li baxan meşî sorgul ji şerman weşî

Gava çavê min lêket derd û kulem bûn xweşî

Çîçek çûye ser çema şahî dabû ber xema

Bilbil li qanûnê xist daran lê girtin sema

Çîçek çûye nav şênî ,Çîçek , çîçekan tênî

Çavê xorta tev lê bû çîçekan bo min şênî

Çîçek , çîçek bi destan em li hember rawestan

Derdê çîçek giran bû da ser derdê Kurdistan

Çîçek , çîçek şîn kirin em pê har û dîn kirin

Hê ez hivde salî bûm wê ez Cegerxwîn kirim

Hey çîçek çîçek çîçek şînbû li çemê Qirdîlek

Min ramîsanek jê xwest ken û awir çûn dîlek !...