KUŞTIM ŞÊRÎNÊ

 Cegerxwîn

Yar zanî gulperestim, baqê gula da destim

Bade ji dest ne noşîn, ah ma çima sermestim

Mestim ji dest wê dînê, ah kuştim ah kuştim

Ah kuştim şêrînê

Bi dilxweşî, bi yarî yarê da min diyarî

Ne perde hişt ne çarî serxweş kirim neçarî

Serxweş kirim wê dînê, ah kuştim ah kuştim

Ah kuştim şêrînê

Maçek ji lêv şêrînê miryan tênî ser jînê

Guft û ken û laqirdî dikin Bihar, Havînê

Dinya me da mizgînê, ah kuştim ah kuştim

Ah kuştim şêrînê..

çapkirin