DI BÎRANÎNA QADÎ MIHEMED

 Cegerxwîn

Xakî Kurdistan bi qurban pir ciwan û paqijî

Xwîn rijandin pir kurên te wa li her alî rijî

Milletê kurd ta ku saxe ew ji vê rê nagerî

Aferî, aferî

Qadî Mihemed aferî

Ev ne şerme têne kuştin em di rêça pêşketin

Da Tiroman zanibî em xweş nijad û milletin

Dê bikin em tim bi wî re dijminahî , berberî

Aferî, aferî

Qadî Mihemed aferî

Qembera zerra atomî zereyek nabin ji dil

Serxwe najî milletê kurd ta ku ev zencîr li mil

Kes bi lavlav û bi dîlek vî berî nabin serî

Aferî, aferî

Qadî Mihemed aferî

Ey Tiroman kuştina Qadî Mihemed ka çi ye

Qey edalet tim wisa ye , hukmê dîmuqratî ye

Lê bi kuştin û bi zindan milltê kurd namirî

Aferî, aferî

Qadî Mihemed aferî.

çapkirin