LÊ XAMÊ, LÊ XEMAMÊ

Mustefa Reşîd

Lê xamê, lê xemamê

Lê xamê, lê xemamê

Xama min ji dara çamê

Têxin destê Heyamê

Pê binivîse namê

            Ji bo min zû bişîne

            Van kulan bikewîne

Lê xamê, lê xemamê

Lê xamê, lê xemamê

Xama min ji dara biyê

Têxin destê Sewliyê

Nav tilyên wê horiyê

            Wan hestên kurmanciyê

            Têxe nava wê namê

Lê xamê, lê xemamê

Lê xamê, lê xemamê

Xama min ji dara gîzê

Têxin nav tilyên Zîzê

Bila bi xamê bilîzê

            Wan hestan birijîne

            Ji dil da biweşîne

Lê xamê, lê xemamê

Lê xamê, lê xemamê

Xama min ji bihokê

Têxin niklê kevokê

Bişînin Qamûşlokê

            Têxe destê xeydokê

            Bila bişîne namê

Lê xamê, lê xemamê

Lê xamê, lê xemamê

Xama min ji zêtînê

Zû bişînin Efrînê

Têxin nav tilyên Zînê

            Nama hest û evînê

            Zû ji bo min bişînê

Lê xamê, lê xemamê

Lê xamê, lê xemamê

Xama min ji şemşîrê

Zû bişînin Cizîrê

Têxin destê wê jîrê

            Bi wê vîn û wê kamê

            Zû bişîne wê namê

Lê xamê, lê xemamê

Lê xamê, lê xemamê

Xama min ji hilîkê

Bişînin nav Dêrîkê

Têxin nav tilyên bîkê

            Bila peyk û peyxamê

            Têxe nava wê namê

Lê xamê, lê xemamê

Lê xamê, lê xemamê

Xama min ji dara zanê

Bişînin Kurdistanê

Têxin destê Viyanê

            Bila jîn û jiyanê

            Berde nava wê namê

Lê xamê, lê xemamê

Lê xamê, lê xemamê

Xama min ji bihuştê

Têxin destê feriştê

Ez rûnim li teniştê

            Destan deynim ser piştê

            Min derxîne ji damê

Homburg, 15.05.2009

çapkirin