Bîranîn

Narîn Omer

Rahêşte..

deftera

bîranînên wê

Çavan du xunav

lorandin

gava xwend

Hevalo..

ez ketim xefka

                  sîbera te de

Derveyî sînoran

dûrî sêncên

zar û zimanan de

Ne di bin sihka

niştîmaniyê de

lêêêê..

Pêlên evîniyek

dilsoz

zan di dilê min de

dema te ji min pirsî

bi zarê tirsê:

Canê ma tu Kurdî?!

Ji wê rojê ve

min gerdûn gevast

di nava spasiyên zelal de

Çimku ez

di malzarokek kurdî de

afirandim

spartî himbêzek kurdî kirim

landikek kurdî

bi lorî lorî hejandim

Baweşînek resen

bi bayê zaroktiyê re

ez baweşandim

Pênûsa çavên wî

piştî çend dilop

weşandin

Baxek ji dilê kenxweş

afirand û Got:

Wisa evîniya

min û te za

wisa dimîne

çapkirin