Leyal Qasim Hesen

Leyla Qasim Hesen, keçek kurde, xwest rûpelên nû derbasî dîroka jinan bi tevayî bike û ya jina kurd bi taybetî,

Bi tiliyên hestên xwe yên miştî coş û hoş, lewra ew rûpel gelekî ronîgeş hatin û ta îro gelê kurd ne gehiştiye raza vê ronahiya pîroz.

Leyla!!hemî gotinokên di mafê jinê de dihatin gotin herifandin, yên digotin:

Ma çi sudeya keçan di jînê de heye? Û hemî qîrînên dijwar bê deng kirin: Jin kêm ol û kêm hişe.

Ez nizanim çend pêrtûk an çend pêrtûkxane wê têra gotinên liser te tên gotin bikin??!

Leyla Qasim di sala 1953 de ji dayika xwe cudabûye, li gundê Banmîl, herêma Xaniqîn. Xwendina xwe di dibistanên xaniqîn de bidomahî kiriye û sala di 1972 de xwendina xwe di zankowa Bexda de berdewam kiriye.  Di sala 1970î de bûye endama Partî Demukratî Kurdistanî. Ji zaroktiya xwe ve hestên netewî di nav damarên wê da digera û di xurtaniya xwe de dest bi çalakiyên xwe yên giring kir, bitaybet demê hevpeyvînên wê bi çend xortên leheng re xurtbûn mîna Cewadê hemawendî, Nerîman Fuad, Hesen Heme Reşîd, Azad Qasim. Lewra tirsa rêjîma Bexda ji wan zêde bê û ataxiya wan kirin ta ew girtin û bi girtina wê dîrokek nû ji jina kurd re avabû, çimkî wê nêrînên cîhanê ji jina kurd û hemî jinan guhertin, çimko wê xwest jineke serfiraz biafirîne û mirovek serbest ew bi vî karê pîroz rabû.