NAME

Narîn Omer

Dema

Nameya te ya dawî

Gihêşte...

Min danî li ser Masa

yekrûyûyê

Azada

Mihemed Şêxo ya şêrîn

Ez azad kirim

Ji arandinên Jînê

Destarê Tehsîn Taha

Ez di xewnerojên har de

zîvirandim

Fincana Cegerxwîn

bersiva ezêtiya min da

Bi hatina Tîrêj

Maha Şerefxanî û

Eyşeşanê

Tu dibêjî:

Asaya Cîhanî

vajî dizîvire

Îro ez darê şikestî me û

Tu..wax..wax?!

Na..na

Ez û te

Du tirhikên pîrozî ne

Yek darê

Em bi can û

candik kirine

Dibêjî: Tu doj î..

Lewra biryara

Koçberiya me

Ji buhuştê za

Hevalo..

Leqamên ne berhev

Li min neke

Rast e..

Pênûsa Dîrokê

dibêje

Ez periyek ji

Baskên te me

Lê dîsa min dibîne

Bingeha hebûn û

Mayînê

Çimku buhuşt

di nav piyên

Min de hatiye damezrandin

Hevalo..

Evîniyek bê hêz

Ji te navim

Baş dizanim

Tu çeleng î

Ta di sistbûna xwe de

Tu çeleng î

Melevanek

Leheng î 

Di derya halana Rustem û

Kawa de yî

Şûrê Firorîtiş û Dayok

Di birhên xwe de

Te parastiye

Çîroka evîniya xwe

Ji baskên Leyla Qasim û

Cewadê Hemawendî

vehûnaye

Pênc dergehên

Firîştî radane û

Pênc Mûm

Bi dil kirine û

vedane

çapkirin