Şevbiwêrk

Helbest: Narîn Umer

Were..

Em şevbiwêrkek

Berfireh raxînin

Hemî rahêjalên evîniyê

Lê bicivînin wekî

Evdalê Zeynê û gula keşe

Sisê şev û sisê rojan

 li pey hev

Êrîşek serxweş û

mest vexwar

Berdin li ser lîsên

 xewa giran

Pirek bê dawî

 damezrînin

Di navbera çav û razanê de

Hemî helbestên

xweş û nexweş birêsin

Gava xunava zelal

Li ser eniya te biçirîsê

Ezê ji te bixwazim

Qulingek çengşikestî

Da hemî êş û janên xwe

Bi nalîna wî re bilorînim

Mîna evdal û

Tevlî xewnerojên wî

 bibim

Di gemya

 dirika rengîn de

Bihejim û

Nîgaşa te di

 dilê seqlanê de

Noq bikim û

Bavêjim li himbêza

Pira bafid de

Bi wan birînên

 derman dayî

Ji rondikên min û te

Emê zummênek kûr

 berdin û

Hemî kulîlkên dil buhar

Bi leyizînin

Çeqçeqa baskên

 pirpirîka

Wê keserên me

 bifirînin

Li hawîr dor gora

 Beko bicivînin

Demê..

Qulingê dilbirîndar

Derbasî

 Laleşa pîroz bibe

Emê

 kevrê bextdana xwe

Di agirdana wî de

 bikolin û

Peymana kirîvatiyek

saxlem

Rawestînin

çapkirin