Seyrana Evîndara

Narîn Omer 

Min seyranek

Di dilê evîndara de

Raxist

ji şîrava

pispisa wan

ez mesthiş ketim

Min qeftek ji

evîniya rengîn

di nav awîza neynika wan de

renge reng kir û

di himbêza dilê te de

min çand

Li seqema dînbûnîyê

siwar bûm

gava geheştim

newala helbestvana

ji her helbestekî

hoşê min peyvek dizî

Giyanek har

di candikê wan de za

ketin xeleka zikrê de

helbestek nû ronî kirin

min sipartî germbûna

lepên te kir

Ez li peyî

firandina çûkan çûm û

min pirtikên

 weşandî dane hev

di nav kaniya  rondikên xwe de

min şiştin

Kirasek ji rebeniya

omîdên xwe

min li bejna wan kir

ji keyfa re

bûn du çeng

min ew diyarî te kirin

Tu hêdî hêdî

dûr çoyê

min peryek ji çengê

pispisiyê ji te re şand

eve xweşiya

firandina yekem

Tu dûr

diçûyî

min gazindek

bi kin rêkir

mesta firandinê

ew xapand

Wê vegere

lê tu ne vegerayî

melevanî li te

xweş hat

di asoyên bê çar de

ta te xwe dît

Homanê zemîn

bi tenahî û ji bîr kir

nehîna peyabûna te

di nav zengîniya

hestên min de dinoşe

çapkirin