Tewbe

Narîn Omer

Bêje min

tu agirbazî

Yan tu cadoyê

Fir'ewnî?!

An jî te

kopalê Mûsa

veşartiye?!

min sûnd didan

ez

evîniya te

Di rayên hizirên

xwe de

biçirmisînim

dêmen û

nîgaşên te

ji tûrika

bîranînên xwe

bifirînim

Lê mixabin

 Sûndên min

beyhûde diçin

gava ez te dibînim

Dîtinek bi lez û bez di

  rûpelên

bîroka xwe de:

Çaxê şahê mirinê

zora min bibe

di kefteleftek

bê nermayî de

bi yek dengî

min biaxêve

Çawa ezê serî

hildim û

zora şahê bê çar

bibim?

Mirina evîndara

ezê bimirînim.

Hestê zummêna min

pêkenokekî

diweşîne û

dibêje:

Tewbe! Yê Ereb

ji berî te

ev soza bê sûde

vehûnabû

Di dîlana dilê

Leyla Exyelî de.

Narîn Omer

çapkirin