Kongireya şeşem ya Navenda PENa Kurd pîroz be

Nusret Kurt

Hevalên hêja, xwîşk û birayên birûmet

Di pêvajoyeke wisa girîng a tekoşîna rizgariya gelê kurd de, bêguman weke rewşenbîrên kurd her wiha her saziyeke kurd jî xwedî roleke mezin û giranbiha ye. Weke hemû heval û endamên me yên Pena Kurd jî dişopînin. Di destpêkê de li bakurê welat her wiha li çar parçeyên Kurdistanê gelê kurd bi êrîşên tund, çewisandin, înkarkirin û îşkenceyan ve rûbirû maye. Ez wisa dihizirim ku divê di her kombûna rewşenbîr û welatperwerên kurd de ev rastî li ber çavan werin girtin û li gor wê jî ji bo berjewendiyên gelê kurd û hemû gelên bira yên Mezopotamyayê tev were gerîn.

Hevalên hêja di vê pêvajoyê de ji her demê zêdetir pêwîstiya me û gelê me bi helwesteke yekgirtî ya netewî heye. Di vê xalê de weke ku berê jî di vê mijarê de rewşenbirên kurd ji gelê xwe re pêşengtî kirine, divê îro jî em bi giştî weke endam û dilxwazên Pena Kurd yekgirtina netewa kurd ji xwe re bikin armanca bingehîn û li gor wê tekoşînê bidin meşandin. Weke Pena Kurd hetanî roja îro di vê çerçoveyê de gelek gav hatine avêtin û xebat hatine kirin, lê divê ji vê û pê ve bi taybet bi coşa kongreya şeşem ve ev yek pêhtir derbikeve pêş.

Hevalên hêja di pêvajoyeke wisa de we Kongreya Şeşem a Pena Kurd pêk anî. Ev yek ji bo rewşengeriya kurd xebateke pîroz û bêhempa ye. Kêm be jî me hindekî şopand, bi taybet em bi biryarên weke xwerêxistina Penê ya li çar parçeyên Kurdistanê gelekî dilxweş bûn. Li ser vê yekê ez hemû endam û rêveberên Pena Kurd pîroz dikim ku Kongreyeke wisa pêk anîn. Ez hêvîdarim dê di demên pêş de di çerçoveya biryarên vê kongreyê de Pena Kurd ji bo gelê Kurd giştî karên serkeftî û mezin bide meşandin. Bi vê daxwaziyê ve careke din kongreya şeşem a Pena Kurd pîroz dikim û ji hemû endamên wê re serkeftinê dixwazim.

Bijî yekîtiya Gelê Kurd!

Bijî kongreya şeşem a Pena Kurd!

Bi silav û hezkirinên kurdperwerî û dostane ve

Nusret Kurt

çapkirin