|
SIWARO
Nusret Kurt
Siwarên stêran
Di rêçika kadizan re
Xwe berdan qesra Gelawêjê
Roj vegeriya û
tariyê boxçika xwe vepêça
Û di asoya çavên
te re Gelawêj qulibî
Lewra yekem çirûskên rojê li eniya te dan.
Dê rabe Siwaro
Tu jî konê xwe li ser piþta þevan rapêçe
Û xwe bispêre siwariya bagera roja leylanî
Hefsaran biþeqitîne
ji stûyên
Hespên rewanî
Mehînên seklawî
Kihêlên pêsîr bi rext û serî bi riþm.
Gemên Diyarbekrî lê
bixîne siwaro
Zînên Þamî li
nav milan bîne
Zengiyan biþidîne
Lingê xwe bike rikêbê
Dê destên xwe biavêje
dizgînê
Rabe þevxwun li
nava zînê bixe siwaro!
Yek bi yek tîran di
zikê kevanê de rêz bike
Barê rabirduyê li
cih bihêle Siwaro!
Dest biavêje rima
azakirina dahatuyê
Dê rabo Siwaro!
Bi destekî çepik lênakevin
Bi tenê govend nayên
gerandin
Dê rabe çar siwarên
ji tovê egîdan
Di malzaroya Mezrabotan de mezin bike
Bi nanê deþta
Heranê
Bi hingivê çiyayê
Þerefdînê
Û bi ava zozanê
Firehþînê bigihîne
Bila yek li ser piþta
Edman
Derwêþê kurê Þêx
Evdî be
Û ji bo xatirê Edula Milî
Li dij eskerên Çilosman þûr bihejîne
Bila yek li ser piþta
Eznawir
Ferzendeyê beranê
Celaliyan be
Û ji bo meqseda taca Agirî
Li dij Romiyan kuçikçapliyê bireþîne
Bila yek siwarê
babelîskên Herekolê
Evdilwehabê egîtbavê
Omerê Omyanûsî be
Û bi navdariya Ehmed Rapo ve
Bi ser dagirkeran ve çiyayên Botanê birûxîne
Bila yek siwarê
Lalo
Seîdê lawê Nadoyê
Xerzî be
Û bo xatira tola girtiyên Kurdan
Riman bi ser zindanên Roma reþ de daweþîne.
Dê rabe siwaro
Zû bike û bilezîne
Zendên xwe hilmale
Delingên xwe rakiþîne
Li lutkeyên çiyayên
cengê
Agirên nûnewrozan pêxîne.
Dilên ji tirsan
westî
Hînî wêrekiyê bike
Û bila halana wêrekan
Bibe gora tirsan
Em ne deyndarên
mirinê ne Siwaro!
Ku em her heyamê
baca jiyanê bidin
Mirinê bi gurzê
Rusteman kêdî bike
Zorê bi tifinga Egîdan
êrî bike
Û bila li ber dîwarên
kenên hilweþiyayî
Bibe parsekvanê hinaseyeke êrî.
Dê rabe Siwaro!
Çar siwaran bike çar
beþ
Çar beþên ji yek
neqþê
Weke çar lawên ji
yek dayikê
Weke çar demsalên
ji yek salê
Bila yek di biharê
de dakeve Bakur
Yek, di zivistanê
de dagere Baþûr
Yek, di havînê de
hilpere Rojhilat
Û yek jî di payizê
de derkeve Rojava.
Siwarên Xemrevîn
Reþêboz
Rexþê Belek
Û Leylanan ji bîr neke
Gurzên Rustemî
Û xençerên Salihî di ber re bike
Di berbangên hêviyan
de
Kelehên dilên asê fetih bike.
Zarokên Helepçe ji
xewa þêrîn þiyar bike
Yên Amudê bi wan
re rêheval ke
Yên Amedê ji wan
re piþtevan ke
Dê rabe Siwaro,
dereng e
Niha dema piþkivîna
keskesora heftreng e
Erê siwaro riya me
dûr e
Û neqeba heyaman jî teng e
Jixwe di heyameke
Gelawêjî de
Em bûn kujerê tirsa dilên lerzonek
Bi guleya yekem ve
herifî
Keleha giryanên çavên me
Dê binêr çawa
tufanên kenên me
Li çiyan deng vedidin
Bi rejneyan re dibin
lehî
Û melisandina dîrokê hildiweþînin.
Dê rabe Siwaro!
Tevî siwarên cenga
vejînê
Tevî rêwiyên vepiþkivandina
jînê
Tevî halanên kuþtina
tirsa mirinê
Tevî helbestvanên
hesta evînê
Û tilîliyên þahiya
serkeftinê
Em di riya kadizan
re dakevin
Ser qesra Gelawêjê
Û li ser singê
asoya rohilat
Biþidînin konên hebûnê
Dê rabe siwaro!
Biþidîne hespê
rewanî
Girêbide xemla þervanî
Û dakeve deþta
Heranê
Da ku em ji nû ve
Li ser kokên xwe þîn werin
Dê siwaro dereng
nemîne
Hîna þoreþa aþtiyê
Li benda me ye!!
Îlon -06
|