anmeldung

Bibûre

Rezoyê Osê

Aro , di nava xwe de , weke wê roja bi sir û serma , şikestî bû.Lê , xwîna tinaziyê di laşê wî de dikelî.Dixwest tinazan bi xwe bike , bi xweristê bike , bi lebt û liva wan kesên xwe qurnisandî bike...Lê,cegerdarî ne dikir , ko vê sarbûna xwezayî bişikîne.

Destê xwe ji "Taksî"yê re hilda.Bi rakirina dest re ,bû zîqîna firêman , û li hember wî , bi rengekî ne normal , rawestiya.Lê,gava Aro ber pê de çû ,dît va kûçikek li ser kursiyê pêşî ye û zîq ,di camê re,li pêş dinere.Ev wêne,bi pêkên pêşî re , bi serê wî ne ket.Lê, çi bike , ji serê xwe avêt û deriyê paş vekir , da siwar bibe.

Bi vekirina derî re,dengek kete guhên wî.Şifêr bû,got:

"Bibûre , rêwiyek bi min re heye , ez ne vala me !".Bi vê gotinê re , kela tinazdariya Aro sar bû . Loma ,derî bi zivêrî dada û bi şûn de vekişiya.

Şifêr , bi qîrênî , bakir :"Bibûre , çima te derî dada!" - Ango , çima wisa bi zivêrî - . Aro , bê dengbilîn lê vegeriya,destikê derî girt,derî vekir û ji şifêr re "Biûre" got.Lê, derî vekirî hişt û bi şûn de vekişiya.Dîse , şifêr bi qîrênî,bakir:"Bibûre , çima te derî vekirî hişt!".Aro , bê dengbilîn lê vegeriya , destikê derî girt , derî dada û ji şifêr re "bibûre" got .Lê,dengê livê ji "Taksî" yê ne hat.

Gava Aro lê nerî , dît va kûçik li kursiyê paş e , û şifêr badike :"Bibûre,de were,ez li yekî nala te digerim !".

Qamiîlo

18.07.04

çapkirin