Dergeh

Rezoyê Osê

                              - 1-

   Min,ji zû de,pirtûka penaberekî Suryanî xwendibû.Ev pirtûk di bin

sernavê "Pop Silyo hildikşe azman"hatibû nivîsandin.Nivîser behweriyên xwe li

ser zimanê Pop Silyo,derbarî hin dîtinên oldarî û serkanên olan,bi şêweyekî

komîk,berçav dike.

   Belê,êvarekê Pop Silyo gazî pîreka xwe dike û fermana xwe di guh wê ve

tîne,dibêje:"Kerê min êm bike.Xwarina rêwîbûnê,ji min re amade

bike.Têrê,hevsar û ciher jî deyne ba kurtên.Lê,bi segurkê re-ango,berî dinya

zelal bibe-ez dê bimeşim...".

   -Bi kû de,gidî?-jinê pirsî.

   -Ez ê hilkişşşşşşşşşşşşim azmên!-Pop lê vegerand.

   Wilo,Pop Silyo hildikşşe azmên û li ber dergehê pêşî radiweste.Li dergeh

dide.

   -Ew kî ye?.Dergehvan dipirse.

   -Dergeh veke.Ez Pop Silyo me...ma tu kî yî!-Pop dipirse.

   -Ez Adam im dergehvanê dergehê pêşşşşî me Fermana vekirinê bi min re nîne û

navê te li ba min tune ye...

   Piştî guftûgoyeke tal û tund,Pop dibêje:

  - Kuro!..Adamo,ma ez te nanasim bê tu kî yî!.Tu mafdarî,ko dergeh ji yekî

weke Pop Silyo re venakî,ji ber ew te xweş dinasî!.Ma ne tu serkanê hemî

kul,derd û janên mirovaniyê yî.Ma ne te,di ber çila zwe de,em mirov ji buhuştê

koçber kirin.Hîna jî kilîtên dergehan di lepên te de ne,kuro!!?.

   Wilo,Pop Silyo li gelek dergehan dide û axaftina xwe bi pêxemberan re -bi

dergehvanan re - dike.Pê re behweriyên xwe tîne zimên.Lê dergeh li ber

venabin...

-       2-    

                       Di sedsaliya seyda Cegerxwîn de,ez û Konê Reş ji hêla

InstîtûtaKurdî ya Stanbolê,hatin vexwendin,ko beşdar û   hevpariyêdi hin

çalakiyên rewşenbîrî de,li Serxetê bikin.

                                  Bi vê mebestê em,roja 18.09.2003,ji Binxetê

hilkişiyan Serxetê.Ji Nisêbînê,me berê xwe da Darê,da em cihê bûyera"Reşoyê

Darê"- zîndan û bira Berdewêl-bibînin.

                                 Dema me berê xwe da Sarinc,Şikeft û Tirbên

Darê,dergehvanan ­polîsan-rê li me birîn.Pirsa nasname û pasporên me

kirin.Lê,me ji wan re negot:"kê mafê dergehvaniya şûn û warên pêşiyên me daye

we",em lerizîn.

                                 Me berê xwe da Cizîra Botan.Me xwest Burca

Belek bibînin.Lê,dergehvanan-polîsan-Burc ji ber me girtibûn û,ji xwe

re,kiribûn hêlîn.Me nepirsî:"kanîn xwediyê hêlînê!?.Kanîn Mem û Zîn!?.Kanîn

Mîr û Tacdîn!?.".Tenha gewdên me,xwe ji ber lûlên tivingên dergehvanan

vedizîn...

                                 Li Amedê,me dil hebû,ko qûntareke"Sûra

Amedê",ji hêla camiya "Hezretî Suleyman" ve bibînin,lê kilîta dergeh di destên

dergehvanan-polîsan-de zingar girtibû.Me mafê pirs û derbasbûnê nebû,lê em ji

hêla "Fîs" ê de,bi ser dergeh de qelizîn.

-       3-

   Zarokên min,li şarê Şamê,doza seredana gora Mîr Celadet Bedirxan kirin.Em

ber bi goristana Şêx Xalidê Neqşebendî de hilkişiyan.Me serê xwe li ber gora

Mîr tewand.Kurê min got:"ez dixwazimderbasîhundirêavahiya gorê bibim..".Kurik

nebih e,lê vê daxwazê serî li min gerand!.Ne kilîta dergeh bi me re ye,ne jî

dergehvan nas û amade ye!.Lê,min xwe ji vê pirsê,weke tu mûkî ji mast

bikşînî,bi rewanî kişand.Lêbelê,ne tim bextê mirov  rûniştî ye û dikare,ji

meydana pirsên zarokan,serkeftî derkeve.Erê,li bajarê Qamişlo jî, zarokan,

doza seredana gora Cegerxwîn li min kirin.Tew,ez li tiştekî wisa digerim,da ez

hunerên xwe pêş zarokan bikim û xwe di çav wan de bikim dîk!.Lê,tiştê bi serê

min hat bila bi serê gawiran neyê!.Belê,ne tenha dergehê gorê girtî bû,lê

dergehê malê jî girtî bû-Seyda Cegerxwîn di bergeha mala xwe de hatiye

veşartin-.Kilîtnebendî bû û te digo,qey dergehvan nînî bû!.

   - Yabo,ma Cegerxwîn kilîta xwe bi xwe re veşartiye!?.- Kurik pirsî.

   Vê pirsê ez tar û mar kirim.Min bi madtirşî got:"Kurê min,rawestana zêde,li

ber dergehan ne durust e..ê" û da ez xwe ji vê gerînokê derxim,min yekser

çîroka" Faraon û Şeytên "jê re hewil da.             

                         - 4-

                      Dibêjin,Şeytan bihîst,ko Faraon ji miletê xwe re

dibêje:"Ez

                         xwedayê we me!"Şeytên xwest vî xwedayî

bibîne...Hilkişiya ber

                        dergehê eywana Faraon û li dergeh da.

                                 -Ew kî ye?- Faraon pirsî.

                                Şeytan deng nebir xwe û bersiv ne da.Lê,dîse

li dergeh da.

                                - Ew kî ye?  Faraon pirsî.

                                Şeytên deng nebir xwe û bersiv ne da.Lê car

din li dergeh da.

                                - Ew kî ye? Faraon pirsî.

                                Gava Faraon bersiv nebihîst,berê xwe da dergeh

û dergeh

                       vekir.Dît,va Şeytan li ber dergeh e,got:"Pîso,ev tu

yî...deng nabî

                       xwe..!".

                              - "Xwedayê nizanibe kî li ber dergehê wî ye,ew

jî ne ti xweda

                       ye..pîs e!" Şeytên lê vegerand.

                               - Ya rast:"Ez û te herdu pîs in,lê yên ji me

pîstir ew in,yên

                       behweriyê bi koranî bi me tînin!".Faraon got

                          Wilo,min zarok tar û mar kirin û xwe ji pirsa

dergehên girtî xelas kir.

                                          Qamişlo

                                         23.10.2003