Bajarê mirinê

 

Tarî ye nîvê şevan kolanên wê derê;

çav çavan nabîne.

û vala ye jî,

pêjna kesî nayê...

Sîreniyên tirimbêlên polîsan carina diçirînin

wê bêdengiyê

û lempeyên sor mîna dilopên xwînê,

mizgîniya mirinê tînin.

Dengê dûrbihîskan tê.

Dîsan digirin ser malekê

dengê guleyan vediciniqîne tariyê!

û stêrkek ji esman tê xwarê....

Nîvê şevan tarî ye... kolanên wê derê

kes kesan nabîne

û vala ye jî.

Tenê mirin heye...!