Delala
Çimrengîne rê Qesîdeyî
Amadekar:
Roþan Lezgîn
 |
“Delala
Çimrengîne rê Qesîdeyî” nameyê kitabê þîîran ê Zulkuf Kiþanakî
yo. Kitab hetê Weþanxaneyê Vateyî ra 2007 de Îstanbul de ginayo
çape ro û 96 rîpelî yo. Zulkuf
Kiþanak 1967 de dewa Kerteþ a Sêwregi de ameyo dinya. Unîversîteyê
Marmara de qismê Rayberî û Þêwirmendîya Psîkolojî (PDR) wendo.
1990 ra nata rojnamegerîye keno; hem bi tirkî û hem zî bi kurdkî
(kirmankî û kurmanckî) nuseno. Yew kitabê ey ziwanê tirkî de bi
nameyê Yitik Köyler 2004
de hetê Weþanxaneyê Belge ra vejîyayo. Zulkuf
Kiþanakî bi na þîîra xo (Delala Çimrengîne rê Qesîdeyî)
serra 2004î de Musabeqeya 12. ya Þîran a Hüseyin Çelebi de xelata
yewine girewta. Heme
þîîrê nê kitabî se “Qesîde” ameyê namekerdene û sey
“Qesîde-I, Qesîde-II…” dewam kenî hetanî “Qesîde-XIII”.
Dima ra yew þîîra “Arisîyayene”, naye ra dima zî “Qesîdeya
Peyêne” esta. Bêguman
edebîyatê kirmanckî rewna didanê þitî vetibîy; sere de Xasî,
dima ra çendnayê bînan. Û helbet mamostayê ma Malmîsanijî hewikî
kerdî sere ro. Dima ra kankirî, didanê kursî vejîyay; heme sey
sedefan, sey mircanan. Û nê þîîrî, þîîrê Zulkuf Kiþanakî
didanê kursî yê. Kokê înan xorîn de yo. Þîîrê
Zulkuf Kiþanakî sey vengê awa royanê welatê ma zelal û sey rengê
koyanê welatê ma esîl ê. Zulkuf vano: “… |
Dereyê
Laçî
û
Çimeyê Halborî ra nat a û wet a
se
ke mi vat, cinîyan pa domanan a
xo
eþtê Munzurî mîyan, sey qîyametî
wexto
ke Yûsifan, Qoçan
û
Þêx Hesenan zî kerd el-aman
û
tirkî tîya ra
na
newala pîroze ra ravêrdî, veracor
vera
Pulemûrîye
û
Koyê Munzur Bavayî
se
ke vanê
vengê
Xidê Memkî nêkewto cêr, asmênî ra
hêna
hetê Çime û Koyê Mewlî ra yeno,
wexto
ke kes goþê xo dano Heqî
û
Munzur Bavayî
qîrî
kewna goþan, qîrîya Xidê Memkî
Pîlvengî
ra tepîya
Borgînî
û hetê Demenan ra nat a
a
roje
roja
ke pêro camêrdî
qelenderî
ganfîdayî
þerwanî
û
Seyîd Rizayo kurd Halborî de amey pêser
nê
kerrey
kerreyê
ke terteleyê Dêrsimî ra sêkur mendî
xo
hêl kerdî a roje
a
roja ke roj sewbîna akewt
sanikî
sewbîna amey nuþtiþ
û
þewqê xo da tarîxî
delalê
û
delala çimrengîne, eþqa girde
tîja
min
…”
Zulkuf
bi destê wendoxê gêno, welatê ma ra çarneno. Zulkuf vengê awa zelale
ya koyanê Kurdistanî reyde bi ziwanê ma yo þirîn þîîran waneno. Eke
þima peyê xo nêdê nê vengî; þima peyê xo nêdê ziwanê baw û
kalan, heme royê nê welatî, heme koyê welatê ma, do rîyê þima de
bihuyê, bi hîris û di didanan…
_____________
Amadekar: Roþan Lezgîn