|
15
SAL GOTINA “KURDÎ-KURMANCΔ: NÛBIHAR
SALIHÊ
KEVIRBIRÎ Di
weþangerî, rojnamegerî û kovargeriya kurdî de hin weþan hene ku bûne
klasîk. Gelek caran mirov dixwaze li ber destên xwe bibîne. Sûdwergirtina
ji wan berheman çêjeke mezin bi mirovan re dide peydakirin. Bo nimûne
Hawar, Ronahî, Kurdistan. Her çiqas li gorî van berhemên binavkirî,
xwediyê temeneke kurt be jî em dikarin navê Kovara Nûbiharê li van
berheman zêde bikin. Li gorî bîr û boçûna min, Nûbihar jî ketiye nêv
klasîkên kurdan!.. Ev 15 sal in ku Nûbihar, bi gotina “kurdî-kurmancî”
bi me re ye, dibe mêvanê pirtûkxaneya me ya kurdewarî. Dibe mêvanê dilê
me yê “tî û birçiyê” zarbêjiya edebî. Bêyî ku xwe bispêre hêz
û derdoran, 15 sal berdewamiya berdevkiya gotina kurdî, kurdewarî, ramyarî,
edebî ne karekî hêsan e. Gelek caran jî bû pêþengê manewiyata îslamiyên
kurdewar û klasîkên medreseyan. Belê
15 sal ne kêm e! 15 sal, 100 hejmar… Di weþangeriya miletên pêþketî
de, her çiqas 15 sal maweyeke kurt be jî, di weþangeriya kurdan de, bi weþana
kurdî 15 sal maweyeke têrtije û demdirêj e. *** Di
destên min de jimareya pêþîn ango jimareya yekemîn a Nûbiharê heye.
‘Nûbihara Rengîn’, ‘Nûbihara Miradan’. Çend agahiyên teknîkî
yên jimareya yekemîn dixwazim bi boneya 100’emîn jimareya Nûbiharê bi
we re parve bikim: Li
ser berga pêþî ya kovarê ev agahî hene: Nûbihar,
“Mehnameya Çand û Huner û Edebiyatê”, Hejmar: 1, Sal: 1, Çiriya Pêþîn
(Cotmeh) 1992, Biha 8.000 TL (Lîreyê Tirk). “Ne zalim be, ne mazlûm!”
sernavê berga navborî ye. Berg, bi xêz ango tabloyeke Hebîb Sadiqî yê
bi navê “Habîl û Qabîl” hatiye xemilandin. Di kunyeya kovarê de;
Mahmût Yarlug wekî Xwediyê Kovarê, Sabah Kara, Berpirsiyarê Giþtî,
Suleyman Çevîk, Berpirsiyarê Nivîsaran û M. Arifoglu jî wekî Midûrê
Dezgehê hatine destnîþankirin. Kovar li navnîþana “Fevzipaþa Cad. Baþhoca
Sok. 49/1 Fatih-Ýstanbul” dest bi weþanê dike û maweyeke dirêj di
heman navnîþanê de xebata xwe berdewam dike. “…
Mirovê ku heq bixe bin lingê xwe, pê bilind nabe. Heq li ser piyan bilind
dibe û bilindvanê xwe jî bi xwe re bilind dike. Di heq û heqîqetê de,
bilindvan û bilindbû yî bi hev re ne. Wextê bilindvan heq bilind kir,
heq jî bilindvan bilind dike…”
Ev beþek ji pêþgotin ango nivîsara yekem e ku bi navê Nûbiharê hatiye
nivîsandin û bi van hevokan jî bidawî dibe: “Xwiþka
delal û birayê hêja! Heger kovara me Nûbihar vê hesret û arezûya
bihara biratî û heqaniyetê di dilê me de heþîn û geþ bike, besî me
ye. Bi hêvî û ûmêda wê xweþbextiyê… Selam û rehmet û bereketa
Xweda li ser hewe be…” “Ne
zalim be, ne mazlûm!” sernavê nivîsara duyem a kovarê ye ku ji hêla
Sabah Kara ve hatiye nivisandin. Her wiha di jimareya binavkirî de bi navê;
“Ey gelî kurdan” (Mela Seîdê Kurdî), “Jiyanname û têkoþîna Bedîuzzeman
Seîdê Norsî” (Suleyman Çevik), “Newaya mutrib û çengî” (Mela
Ehmedê Cizîrî), “Rojnama ‘Volqan’ û ‘Cemiyeta Îttîhadî
Muhemmedî’” (Osman Tunç), “Miletek þîzofren” (Mersabîzade),
“Du qise ji jiyana Pêxemberê Ekrem” (Azad), “Serhildan / 1”
(Bager) nivîsar û helbest cih digirin. Li hêla din Berpirsiyarê Giþtî
Sabah Kara, bi Serokê Mazlum-Derê M. Ýhsan Arslan re gotûbêjeke cêjdar
kiriye di heman hejmarê de. *** Me
di destpêkê de got, gelek caran bû pêþengê klasîkên medreseyan.
Nexasim nifþên salên 1990’î ku ez bi xwe jî yek ji wan im, Melayê
Cizîrî, Feqiyê Teyran, Mele Ehmedê Batê, Baba Tahirê Ûryan, Siyahpûþ
û gelek navên din ji Nûbiharê fêr bû, guh da beyt, qesîde û helbestên
wan. 15-16 salî bûme, dema jimareya yekem a Nûbiharê derketiye. Heta ji
min tê, bi taybetî di 10 salên dawî de hewl didim xwe bigihînim
tevahiya hejmarên Nûbiharê. Bi qasî dizanim ji 9 cildên kovara rengîn,
xwediyê 6-7 cilda me. Dewlemend im yanî..! Di
warekî de ji xwe amil im; ji weþangeriya kurdên bakur haydar im. Bi
taybetî dikarim bibêjim ku min hay ji weþangeriya piþtî salên 90’î
baþ heye. Li gorî hêz û qeweta xwe, bi awayê giþtî dikarim analîza
wan bikim. Xweþhaliya min a li ser Nûbiharê li ser sê esasan e. Yek; rêkûpêkiya
weþangeriyê, didu; kurdî-kurmanciya wê ya rewan û herikbar, sisê;
welatperweriya li ser bingeha mazlumiyetê… Gotineke
xweþ; 15 sal, 100 hejmar... Hêviyeke
xweþ; 150 sal, 1000 hejmar!.. Çima
na?
|
copyright © 2002-2006 info@pen-kurd.org